Ba Loma 12

1

2

3

4

5

6

7

8

9

10

11

12

13

14

15

16

¹Aboobo ndamusungwazya, nibakwesu, muluzyalo lwaLeza, mutule mibili yanu, ibe chipayizyo chuumi, chisalala, chitambulika kuli Leza. Eeyi njimilimo yabukombe bwanu itambulika.

²Mutakozyanisigwi anchito zyanyika, pesi musanduke kukuchitulula kwamizeezo yanu. Amukachite eechi kuti mukazibe chibotu. Awumwi mbuli mweelwe walusyomo Leza ndwamupede.

³nkambo kuluzyalo oolu ndundakapegwa me ndambila boonse bali akati kanu, mutalibiliki ajulu kwinda mpumubede, pesi mbubo kuti, yeeya chakubeteka mubululami, umwi mbuli mweelwe walusyomo oolo Leza ndwamupede.

⁴Mbuli mbutujisi zizo zijisi mulimu ukozyene.

⁵Munzila ikozyene, iswebo tubayingi tuli mubili umwi muli Kkilisito, akuba zizo zilyimikilila kuli chimwi achimwi.

⁶Tulijisi zipego zisiyenesiyene kwiinda muluzyalo ndutwakapegwa.

⁷Na chipeego chawumwi nchabusinsimi, ngachichitwe mbuli mweelwe walusyomo wakwe. Na chipego chawumwi nchakuwutawuka, amuleke akutawuke.

⁸Na umwi ulachipego chakuyiisya, amuleke ayiisye. Na chipego chawumwi nchakusungwazya, amuleke asungwazye. Na chipego chawumwi nchakupa, amuleke achichite chabusungu. Na chipego chawumwi nchakutondezya nsoni, amuleke achichitwe chakubotelwa.

⁹Luyando lutali lwakupawupa. Amusesemwe kububi; Mukakatile kuli cheecho chibotu.

¹⁰Atala aluyando lwabunyina, amubotelwe umwi awumwi. Atala abulemu, mulemekane umwi awumwi.

¹¹Atala abusongo, mutabi batolo. Atala amuuya, mube achiyandisyo. Atala aMwami, atumubelekele.

¹²Amukondwe chakulangizi, amuyume mumapenzi. Amusyomeke munkombyo.

¹³Amwabane mukubula kubantu boonse baLeza basalala. Amuyandule nzila zyiingi zyakutondezya buuya.

¹⁴Amubalongezye aabo bamupenzya; Mulongezye alimwi mutatuki pe.

¹⁵Amukondwe aboobo bakondwe; Mulile abalila.

¹⁶Amube amuzeezo umwi kuli umwi awumwi. Mutaliyeeyi munzila zyakulisumpula, pesi mubatambule bantu balangilwa ansi. Mutabi basongo mumiyeeyo yanu.

¹⁷Mutabweedezyi chibi kuchibi. Muchite zintu zibotu mumeso abantu boonse.

¹⁸Na kachikonzeka kuti azibe kuli nduwe, kupona chalumuno abantu boonse.

¹⁹Mutabi lwanini nobayandwa, pesi amupe mweenya kubukali bwaLeza. Nkambo kulilembedwe kuti, “Kubweendezya nkukwangu, ndiyobweedezya mbwamba Mwami Leza.”

²⁰“Pesi na sinkondonyokwe waba anzala, musanine. Na waba anyota, mupe anywe. Ikuti na wachita oobo, ulalundika makala amulilo amutwe wakwe.”

²¹Utazundwi abubi, pesi zunda bubi abubotu.