36 Dɛ mɔ̀nnì kɛ̀ Bɛnsɑmɛɛ botí kɔbɛɛ bɑntɛ́ bɛ̀ bɛ̀ nɑmɛ̀mu. Kɛ̀ Isidɑyɛɛribɛɛ bɛ̀ yóu, kɛ yɛ̃́ bɛ̀ tɑ̃́mɛ̀ bɛ kɔbɛ bɛ̀ do òo mbɛ̀ Kibeɑ tɑkɛ́.
37 Bɛ̀ɛ̀ do okɛ kɛ̀ bɛ̀ɛ ootɛní mɛcɑ̃ɑ̃ nkɛ́do dihɛì kɛ́kuɔ bɛnìtìbɛ̀ bɛmɔu.
38 Bɛ̀ mɛ ndo nɑ̀kɛ́mu nɛ̀ Isidɑyɛɛribɛ tɔbɛ̀ kɛ tú bɛ̀ bo yɑ̀ kuyukú nku dihɛì kɛ́bɑntɛ́ bɛ̀ dì domɛ̀.
39 Bɛnsɑmɛɛ botí kɔbɛ yɑ̀ dìì mɔ̀nnì Isidɑyɛɛribɛ bótìrìmɛ̀, kɛ́kuɔ bɛnìtìbɛ̀ sipísìtɑ̃ɑ̃ti kɛ̀ bɛ yɛ̀mmɛ̀ ndò mbɛ̀ tó bɛ̀ nɑmu yɛwe tɛyɛ̀ kɔ̃mɛ.
