3 Tɑcɑɑ ɩɩ yeki sɩ nyɔɣɔsɩ ɩ́ sɑsəlɩ siɣisilu. Amɑ ɩ pɛŋ ɩsɑɣɑʋ kɛ mpi ɩ nyɩɩləɣɩ tɔɣɔ.
4 Nkpɑlɑsɩ kpɛkʋɣʋ sʋsəɣɩ kʋnyɔŋ kɛ́. Ɩlɛnɑ təmlɛ lɑpʋ lɔŋlɔŋ nɑ́ɑ́ sʋsɩ toŋ.
5 Yʋlʋ wei ɩ nyəkəɣɩ tɔɣɔnɑɣɑ kɛ kʋmtʋ wɑɑtʋ tɔ, ɩ kɛ́ pəyɑɣɑ ŋkɑ kɑ mɑɣɑsəɣɩ kɑ nyʋɣʋ tɑɑ tɔɣɔ. Amɑ wei ɩ tooki sɑɑ ɩnɩ tɔ, ɩ kɛ́ fɛɛlɛ fɛɩ tʋ kɛ́.
6 Kʋpɑntʋ koolee wɛ siɣisilɑɑ nyɔɔŋ tɔɔ kɛ́. Amɑ mʋsʋŋ tɔm tike kɛ ɑsɑɣɑɑ nɔɔsɩ yɔɣɔtəɣɩ.
7 Siɣisilu tɔɔ tɔɔsʋɣʋ kɔŋnɑ kʋpɑntʋ koolee kɛ́. Amɑ yʋlʋ ɩsɑɣɑʋ hətɛ mɑɣɑmɑɣɑ nɑ́ wɑkələɣɩ kɛ́.
8 Yʋlʋ wei ɩ wɛnɑ ləmɑɣɑsɛɛ kɛ ɩ tɑɑ tɔ, ɩ mʋɣɩ sɛɣɛsɛɛ kɛ́. Wei ɩ yɔɣɔtəɣɩ kʋmɛlɛntʋ tɔm tɔ ɩ tɛɛsəɣənɑ lepu.
