Atos 11:6-16

⁶óyu³lho¹je²nũ²la² wã²lẽ¹nãu³ai²na² ka³yxuh³xa² ka³lxa¹txi³ wi²sxa³ye²na²hẽ³li¹. Ka³yxuh³xa² wi¹te²su² wi²sxa² ka³yxuh³xa² ko̱³te³su² wi²sxa² txih³xa² wi²sxa² a̱i³ka² wi²sxa² nxa²hẽ³li¹.

⁷A²nxe³hĩ¹na² oh³xan¹ta² e³jau³xai²na² ain³kxai¹na¹te³nah¹lxi¹: “Pe²jah³lãi³. Ĩ³sa²yxau³txu¹li¹. ónan³txa²sxã³ nũ̱¹hi̱³lhĩ¹txu¹li¹.” Sain¹na²hẽ³li¹.

⁸Nxe³sain¹nxa²ha¹te¹: “Ti³hex1sa²nxa³nhai¹. Ka³yxuh³xa² wi¹lxa³te²a² hai³txi³ hi̱³lhĩ²te²txã³wi¹.” Nxe³ai¹na¹hẽ³li¹.

⁹Nxa²ha¹te¹ oh³xan¹jau³xa² ãh¹ain³kxi²na¹te³nah¹lxi¹: “Ka³yxuh³xai²li² Txa²wã¹sũ̱³na² wi¹te²lo³jau³su² nxe³nxain¹kxai²nãn²tu̱³ ĩ³so¹jĩ²sẽ¹li¹. Ka³yxuh³xai²li² ko̱³nxe³te²lo³jau³su² ĩ³ye³txa³hẽ¹li¹.” Nxe³sain¹na²hẽ³li¹.

¹⁰Te²yã¹nxe³jut3su² ye³ha¹li¹ ka³na³ki¹ ĩ³ye³kxi²xi²sain¹ka³tu̱³ sa²ka³la³so¹xi²na²hẽ³li¹.

¹¹Nxe³na¹tãu³a² in³txa² ha¹li¹ ka³na³ki¹ nxe³sxã³ Se²sa³re²a²thĩ³na² a³li³ain¹ka³tu̱³ sxi²ha² yxau³na¹thĩ³nai³tã² ã³si³tẽ³kxi²si¹hai¹na¹jau³su² ĩ³ye³kxi²sain¹na²hẽ³li¹. Nxe³sxã³ ye³jen¹nãu³a² ãn³si³tẽ³kxai¹na¹hẽ³li¹.

¹²Nxe³ti̱³kxai³lu² Txa²wã¹sũ̱³na² A²yãu³ka³txa² ĩ³ye³kxi²sain¹te³nah¹lxi¹: “Ãn³si³tẽ³kxai¹nĩn¹ju³ta³nũ³a² hxi²waun³txi³txa³hẽ¹li¹. Hãi¹sxã³ ã³si³tẽ³kxi¹tain¹yah¹lxi³hẽ¹li¹.” Nxe³sain¹na²hẽ³li¹. Nxe³sain¹ju³tan¹te²kxa³ya̱³lhu² Se²sa³re²a²thĩ³na² ai³sĩ¹na¹hẽ³li¹. In³txa² yxo²ĩ²te²a² ha¹li¹ ha¹li¹ ha¹li¹ txai²na² nxe³sxã³ ã³si³tẽ³kxain¹sĩ¹na¹hẽ³li¹. Nxe³te³na¹ Ko³ne²lah³lai²na² sxi²ha² ã³tĩ̱³sxã³ ã³wih¹sĩ¹na¹hẽ³li¹.

¹³Ã³wih¹sĩ¹na¹nxa²ha¹te¹ Ko³ne²lah³la² ĩ³ye³kxi²sain¹sĩn¹te³nah¹lxi¹: “A²wi¹lhĩ¹na² oh³xan¹jah¹lai²na² wxã³sxã³ txa²sxi²ha² ã³wih¹sxã³ ĩ³ye³kxi²sain¹te³nah¹lxi¹: ‘Nxex3sa²lxi¹. Jo³pe²thĩ³na² sa²si¹hã³txai¹nhẽ³li¹. A²nũ²a² Si³mãu² Pe²jah³la² ã³wxã³si¹hai¹nĩn¹jau³su² ĩ³ye³kxi¹txai¹nhẽ³li¹.

¹⁴Nxe³jah¹lai²li² ĩ³ye³kxi¹nx2tain¹tu¹wi¹. Wãn³txa² wi¹jau³xa² ko̱³nxe³ti³ kãi³sxã³ yxau²xai³lyah³lxin¹kxa² yo³su² sa²wa²su¹kxi¹nx2ti³jau³nũ³xa² ĩ³yau¹ũ¹nx2tain¹tu¹wi¹. A²nxe³jau³xai²na² wxa²sxi²ha² yxau²xai³te²a² yxo²ha³kxa¹ ain³kxah¹lxin¹jau³nũ³ai²la¹wi¹.’ Nxe³sain¹na²hẽ³li¹.” Ko³ne²lah³la²kxai³lu² nxe³sa³na²hẽ³li¹.

¹⁵Nxa²ha¹te¹ ã³wxã³na¹nũ²la² ĩ³yau¹ũ³ai¹na¹tãu³a² Txa²wã¹sũ̱³na² Yãu³ka³txa² ã³nxũ²kwa̱i³wi¹hain¹na²hẽ³li¹. ówih¹nẽ³lain¹ju³taix3 jã¹xain¹na²hẽ³li¹.

¹⁶Nxe³kxe³su² Je³su²jah³lai²na² wãn³txa² ne³wãn²sa²jau³xai³tã² hĩ¹na² ain³kxi²xi²nha¹hẽ³li¹. Nxe³jau³xa²sa¹: “Jo³ãu² Ba³tis²jah³lai¹tã² ĩ̱³yau³xa² ũ³hũ¹kxi²sa²sai¹ain¹tai¹ti²tu³wi¹. Yxãn¹ta¹ ye³jen¹na² Txa²wã¹sũ̱³na² A²yãu³ka³txa² ĩ³hxi²kat1sa²sai¹nx2ti³tu¹wi¹.” Nxe³nẽ³lain¹tai¹ti²tu³wi¹.