18 Kerukeru, Paulo ese ai danu ia lao, Iamesi itaia totona. Ekalesia kwarana taudia ibounai idia hebou, Iamesi danu.
19 Paulo ese idia ia hanamoa, bona Dirava ese idau bese taudia edia huanai ia karaia, Paulo ena gaukara dekena amo, unai sivarai ibounai ia gwauraia.
20 Kwarana taudia ese inai hereva idia kamonai neganai, ibounai ese Dirava idia hanamoa. Gabeai Paulo dekenai idia hereva, idia gwau, “Emai varavara tauna e, oi itaia Iuda taudia momo herea ese Iesu idia abidadama henia noho, bona idia ibounai ese Mose ena taravatu idia badinaia namonamo noho danu.
21 Idia be idia kamonai vadaeni, oi ese Iuda taudia, idau bese taudia edia huanai idia noho taudia, oi hadibaia, oi gwau Mose ena taravatu idia rakatania, idia edia natudia kopina utua kara karaia lasi, bona sene edia kara danu idia karaia lasi.
