Aposel 10:7-15

⁷Enger ende qamb wogub qoa Kornilius der munon ombur wonou sarau betet igour eng ne yogorau munon ger Qenut oabig igo eng nob wuri qereiamorei.

⁸Qerei wuriimurimb qamb ne enger qob nob qamar eng munon ombur gari eng wurinob qamb wogub wuriimurima Yopa umo isumirei.

⁹Barim ende der is-isi munai ginam Yopa qani end isumirei. Isari ne Pita wo mon qirer erer qitet irab Qenu nob qobub igoai. (Munon eng wurinou mon qirer soro ar end).

¹⁰Worom ginam tog yara ne munon qei mi mor arsi igamari Pita minemb wogub mon erer end inab igo inig wap-wapi gar engu tat miroau gas ende aba abau tarugau aib end mi uyab wugumirei ten dererei.

¹²Abau erobon end wai qamba, mani qamba, a morogan qamb mi wes-wes end uyemirei igama ten dererei. Mi eng gagar qei Yuda gitab igour eng.

¹³Ende dara ne Qenu nob ete qamarei: “Pita, ne der bugab wai e gagar waramb yab ni.”

¹⁴Ne Pita der qamar: “Barai, in Yuda wai e gagar gitab igoun end me ninei.”

¹⁵Ende qamara ne Qenu bo nob qamar: “Ye mi notoum eng qau ger ue, mi gugum aren sig,” qamar.