4 Unai neganai egu tamana ese lau ia hadibaia, ia gwau, “Egu hereva be oiemu kudouna dekenai do oi dogoatao goada. Egu oda hereva do oi badinaia, bona oi be do oi mauri.
5 Aonega bona laloa kehoa do oi abia. Egu hereva do oi laloaboio lasi, bona idia dekena amo do oi raka siri lasi.
6 Aonega do oi rakatania lasi, bona ia ese oi do ia naria. Aonega do oi ura henia, bona ia ese oi do ia gimaia.
7 Gau badana momokani be aonega. Sedira do oi abia totona oiemu kohu, oiemu moni bona gau ibounai do oi negea haorea, to laloa kehoa do oi tahua bona abia.
8 Aonega do oi ura henia, bona ia ese oi do ia hanamoa bada. Aonega do oi dogoatao auka, bona ia ese oiemu ladana do ia habadaia.
9 Ia ese oi dekenai hairai, bona matauraia do ia henia.”
10 Egu natuna e, kamonai, lau aonega, egu hereva do oi abia dae, bona oiemu mauri lagani do idia momo.
