ACTUUM APOSTOLORUM 16:10-13

¹⁰Ut autem visum vidit, statim quæsivimus proficisci in Macedoniam, certi facti quod vocasset nos Deus evangelizare eis.

¹¹Navigantes autem a Troade, recto cursu venimus Samothraciam, et sequenti die Neapolim:

¹²et inde Philippos, quæ est prima partis Macedoniæ civitas, colonia. Eramus autem in hac urbe diebus aliquot, conferentes.

¹³Die autem sabbatorum egressi sumus foras portam juxta flumen, ubi videbatur oratio esse: et sedentes loquebamur mulieribus quæ convenerant.