13 Kao kega pesarina si kakaba murinai Taupauma Agripa ba Bernice si verakasibau ku Caesarea, Festus sita rugenari ba siti kaikaivi.
14 Ba namai si mamana wai, Festus taupauma kurina Paul kairavina i sisiya i wona, “Sebare kesana patupatumina nina Felix i sumarei.
15 A nae ku Jerusalem wai Jew priest kaikaiwabosi, ba Jew babadisi ana saroba kairavina si bababaiku.
16 A wonisi, kata Rome biyisi asi dudura wai kega pipiya saroba sina bere kwatamei, ba bikunumaka biyisi yabata si nimsiri, ba ana potu ina ravi ba ina kaobeyisi.
17 Ba bikunumaka biyisi si botu maranai, kega ai potapota saba, mara i tom wai bibuibuiya kairavina wai, a kaotuneisi kata sebarena sita yauni sita botu.
18 Ba bikunumaka biyisi si bomsiri siti sisiya maranai, ana goyona a nosinosi wai kega, nanakasike si kunumakei.
19 Saba kosi asi bikawapata mutusi bausi si wosewose. Asi bigeruwana kairavina ba sebare raoboraobona kana waba Iesu, saba Paul i wona kata kona yawayawasina.
20 Saba kega a kuiri mekabage sisiya damana ata yauni wai, Paul ai babai kata ana waina ita nae ku Jerusalem ba namai ana goyona siti buibuiyei.
21 Paul i baba kata ana waina Caesar naonai iti msiri, ba kona iti buibuiyei, wai a kaotuneisi kata si botawani yepo ani porai ina nae Caesar kurina.”
22 Damanina ba Agripa Festus kurina i wona, “Au waina niko sebare ikesiku mom ana nonori.” I kaobeyei i wona, “Maram kuni tainabaenegei.”
23 Mara i tom wai Agripa ba Bernice si botu wai ere kaukau bunagisi ba ere ne tagegeyisi. Abiya babadisi ba meyaga babadisi yabata si deri si rui ku bibuibuiya yovena. Ba Festus i kaotuneisi wai Paul si urabai si riu.
