6Kwertengerl ikwerenh-rnem ikwer-itwek anenharl-antey, rernem Jesus renh ayernek, “Ingkartay, ntwang Rome-areny-rnem irrenteyenh, artwa Israel-areny anyent rlwanemel arrernem, anwekantherr atyetyart ilkwa anayntetyek?”
7Jesus angkek ikwer-rnem-warl, “Akngey rantarl iterl-areyel arlta, atyetyart ilkwa arrernetyek. Rant akalty.
8Itnweng ikwerenharl apetyem arrekantherr-warl, ingkerrenh Itnweng ikwerenh-akert rlterrk anetyek. Apmer ingkerrenh-angkwarr arrantherr iletyek, apmer arrpanenhek, apmer Jerusalem-areny-rnemek, apmer Judea-areny-rnemek, apmer Samaria-areny-rnemek, ahern ingkerrenh-angkwarr arrantherr ilerl-apayntetyek angka atyenh.”