A Umana Kakailai 79:3-11 in Kuanua

³ A gapu i diat i alir kikilane Ierusalem da ra tava ka, Ma pa ta tikai abara ba na punang diat.

⁴ Avet ave da ra magit na varkulumai pire ra umana talai vevet, Ma da ra magit na varvul ma ra magit na varvaula pire diat dia ki kikilane avet.

⁵ Aivia ra bung boko, Luluai, aivia ra bung una kankanuane vatikene pa avet? Ma kaum varpin na birao da ra iap?

⁶ Una lolonge tar kaum kankan taun ra umana Tematana ba dia ngulngul tam, Ma taun ra lavur vuna tarai ba pa dia lotu ta ra iangim.

⁷ Tago dia tar konom vapar vue Iakob, Ma dia tar pait ra kamara ta kana gunan.

⁸ Koko una bali ra mangamangana kai ra umana tama i vevet ta vevet; Boina ba una lulut, ma una totongo upi avet ma kaum bala na varmari; Tago ave bel tuna.

⁹ Una maravut avet, God kaveve tena valaun, ure ra minamar i ra iangim, Una valangalanga avet, ma una pun vue kaveve varpiam ure ra iangim.

¹⁰ Ta ra ava ra umana Tematana diat a biti boko dari: Akave kadia God? Boina ba una vaarike ra varobo ure ra gapu i kaum umana tultul Livuan ta ra umana Tematana ta ra luaina mata i vevet.

¹¹ Boina ba ra mamadang kadiat di ga vi diat na vana rikai piram; Vardada ma ra ngala na dekdekim una valaun diat dia to na mat;