A Kakailai I Lia 8:2-8

²Ina agure u tar ta ra kuba i nagu, Nina ba na vateten iau; Ina vamomo u ma ra polo na vuai na vain, nina di ga pota ma ra kavavar, Ma ra polo na vuai na vain nina i kalami.

³Boina ba ra limana, a maira, na va ta ra kabinamur na ulugu, Ma ra limana tuna na tal iau me.

⁴Ea, a umana vavina Ierusalem, iau vargat avat, Ba koko avat a vararak pa ra mamainga upi ra varmari, Tuk tar ba i arikai.

⁵Ia go i vut maro ra pupui, Ma i tatabai ta kana vakak? Iau ga vangun u ta ra bit a gamata, Abara iat tinam i ga kava u ie, Aina iat u ga ruarua ia ie.

⁶Una vaki iau da ra vakilang ta ra balam, da ra vakilang ta ra limam. Tago a varmari i dekdek da ra minat; Ma ra varpin i leo da ra babang na minat; A umana meme tana dia da ra meme ta ra iap, A birao iat kai ra Luluai.

⁷Mangoro na tava dia mama pun ra varmari, Ma. ra umana lovon dia mama taun vadudu pa ia; Da kulume ra tutana Nina ba na valar ia pi na kul ra varmari ma ra tabarikik.

⁸Tika na tai vevet, Nina ba pa i ti tur boko ra una; Ava avet a pait ia ure tai vevet Ta ra bung ba di tir pa ia ta vevet?