A Kakailai I Lia 3:5-10

⁵A umana vavina Ierusalem, iau vargat avat, Tai ra umana vakak na leing ma ra umana me, Ba koko avat a vararak pa ra mamainga upi ra varmari Tuk tar ba i arikai.

⁶To ia go i pot maro ra bil da ra umana lologoi na mi, Nina i ang na vuai ma ra bira na davai, ma ra bulit i ang na katkat, Ma ra kabang kai ra umana tena kunukul?

⁷Ea, ia ra vava kai Solomon, A laptikai na vinun na dekdek na tutana kai Israel Dia tur kikil ia.

⁸Diat par dia melem ta ra vinarubu ma ra pakat na vinarubu; Tikatikai i vi tar kana pakat ta ra paparai na kauna, Upi koko ta bunurut ta ra marum.

⁹Solomon ra king i ga pait kana ta kiki na vinavana Ma ra davai maro Lebanon.

¹⁰I ga pait ra umana pagapaga tana ma ra silva, Ma ra ruarua tana i ga pait ia ma ra goled, ma ra kiki tana i ga pait ia ma ra mal i meme marut, A umana vavina Ierusalem Dia ga mal ia ma ra varmari.