1Eaubada matana eai, eo Guiau Iesu Keriso matana eai oa ea lauhesom ta, ia ena huia taulagema eo ena basileia eai taumaumauri eo taumatemate abo i heduduraidi.
2Riba u lauguguiaei; huia gamagamagari, huia lolo eo huia baaea, riba u lauguguiaei mo; u hegiru, u ribasuu, eo u ribahepaipai ma nuatoatoam i laulau mo, eo lauheata.
3Paana ede huia wa abo i lagema laulauheata duduraina taba nige se ataiei; isibom edi nuatu baaeana eai taulauheata gamagaridi abo se hetorodi enadi, isi beadi se hinahinana;
4riba mamohoina beadi abo se laeudoiedi, riba gaibu mo abo se ataiwataidi.
5Na ginauri gamagamagari aridi eai u nuapaipai, amamna ginauridi u healapaipaim, evanelia wasaduaina ta u paisoaei, am heaeai paisoana u hemasarahaheohi.
6Osinagu doha se heboririyao, egu huia laugabaemiu i hanahanaumao.
7Iala lolona ea ialayao, egu haitau ie ohi ede, sunumana ea sogohididiniyao, ie lau, ie lau e, laulaududurai koronana, enagu se torenonohaiyao, Guiau tauhedudurai tauna duduraina nei asubenana eai ne abo i leama; nige eaubom mo enagu, na isi gamagaridi hinage ena taumasarahama se gadosisiei.
9U adidiri abo u heulama arigu eai.
10Dema i laugabaeguo, teina tanoubu ta i gadosisiei, ia i lauo Tesalonia; eo Kerese hinage i lauo Galatia, eo Tito hinage i lauo Dalamatia
11Luka iabom mo maegu. Mareko u heriba maem au laoma, paana ia i lolo i heaheayaiegu.
12Tukiko ea hetamarilaei Epeso eai.
13Agu pereue lailai Tiroa eai ea laugabaei Karepo arinai, ena u laoma u abiyama, buka hinage u ledima, eo uriuri mamoe opina eai u abikomakomanidima.
14Alesania copper taupaipaisoaina i hebaaeaaririegu; ana paisoa baabaaea Guiau abo i hemaisawatai.
15Tau wa oa hinage u komakomaniei; paana ede ema guguia ribadi i ribaguduguduaririedi.
16Se helauhetala‐bagubaguna wa, nige tau esau i ribasaguigu, na tatao gamagaridi se laugabaegu. Ea lau‐uura Eaubada arinai tabu i hegirudi.
17Taiede Guiau maegu, ia i totoro eau gegesigu eai, eo i headidirigu; eau debagu eai guguia ribana se ataohi, eo Murimuri‐tataodi gamagamagari abo se ataiei hinage. Arinai liona awana eai wa se girihaigu.
18Hinage Guiau paisoa baabaaea gamagamagari aridi eai abo i girihaigu, eo ia abo i hemaurigu ena basileia galewa eai abo ea abi wa. Ia i namanamari ede, i lau e huia nige nosina. Amen.
19Peresila, eo Akula, eo Onesepero, eo ena numa tataodi hinage ea lautoiedi.
20Eraseto Korinito eai miamiana; na Telopimo i asiebo to ia ea laugabaei Mileto eai.
21U aipate adidiri wao’o huiana sora nige i tubu u laoma arigu eai. Eubulu i lautoiem, Pudena hinage, eo Lino, eo Kalaudia hinage, eo ena tataoyao gamagaridi.
22Guiau Iesu Keriso earuam ia abo maena. Ainauia abo u abi. Amen.
