Text copied!
CopyCompare
Meriam Mir Bible - 2 KORINITO

2 KORINITO 4

Help us?
Click on verse(s) to share them!
13MIZMIZ 4 NOSIK 13 - MIZMIZ 5 NOSIK 5 Sama autarlelut muige taba asiasige ditarer kega, “Ka Agudi irmili ableluglam ka geumkak detautli.” Kiko uridli muige kerbi asiasige, ki geumkak detauteda. Ableglam ki umele uridli
14Agudide ia kerbi odikerare eudlam idid warder, mokakalam ge E Iesui ikaida eudlam idid baida, a ki umele Agudide merbi odirpare.
15Gair keriba able asiasi wabi debeleem nole kerbim. Mitkar a mitkar legize ia eswao erkepasam wagimuretlare nade Agudide iabi upiudaratidalare taba omarge. Ableluglam Agud ia wakai au zoromzorom obai.
16Able pardarlam ki bakeri nole geumkakberi. Keriba gem aukaka erarerar epe no keriba lamar au kelarkelar ia waurder.
17Able kebi amisirlu kiki asiasi digeda nole ia niaiem waikereder, epe ableluglam ki ia ki tarpeirare able au niai zorom.
18Ableglam pa kiki uridli keriba poni mena namarwerteda asmerkak zoromge pe niaiem nagriwerteda nole able amisirluge pe mi dasmereda pe no besem nagriwerteda.