1Anigo i̱na manda bialu hewaria tà mo genda holeyane i̱na tà kamiria lone naibule manda biru.
2I̱na tà mo genda haruyagua nde aiwa i̱ mo turu holebirabe. Wali agali i̱na mo genda haruru tinime hangu mo turu holene wulebira.
3Irane ogoninaga i̱na tÃhondo beba mbira ala gilibu wia harugoni. I̱na tà hemiria ibiruyagua wali agali i̱ mo turu haga kamirume dege i̱ mo genda halimulo hame nale haru. Mbira manda bu kogo laro. I̱ turu ho koangi tÃbi turu howa kamidalo manda bu ko.
4I̱naga mini taulia ho howabi mini burugulo howabi de iba timbuni ibalu howabi i̱na tÃhondo beba ala gilibu wia haru. Ani birugo i̱na tà mo genda holenaga ndo tà bibahendehondo i̱na gubalini ogobiore ho kada lalu manda bilimulonaga gili biru.
5Ai tà kamigo aria mbiralime tà mbiraligo mo genda hayago i̱hondo ndo tà bibahendehondo mo genda hayagoni. O ndo tà maruhondo hangu mo genda hayagoni. Ogonigo i̱na ibuhondo bi hongo howa lolene hame nale ko.
6TÃ dewalime o biagonihondo tandaga nelo mirimigo karulape birimi manda bido.
7Ai ogonigo ibugua ko tÃhondo biyagonaga genda timbuni halu wahalu puabo holigo tÃgua ibugua ko biyago mitangi bialu la nabi dara halu biamogo bilimu.
8TÃgua ibuhondo gubalini ho henedane hendelo ani bilimu laro.
9I̱na beba mbira ala tÃhondo gilibu wia harugoni irane ogo alenaga. Tà agi bialu harimidabe hondolenagabi i̱na bi laruru bibahende tÃgua agua biaabo harimidabe hondolenagabi tà ba handarugoni.
10Mbiralime ko biyago tÃgua la nabi waharimiyagua i̱na nde la nabi wa dege holebero. I̱na ani bulene ngayagua i̱na tà mitangi bialu Kerisonaga deni waharuli.
11I̱na ogonidagua biruligo irane dama Heyolabe ibugua ohowa ina bope holigo lowa biruli. Iname dama Heyolabe ibugua ohowa biaganeru manda bu kama.
12I̱na Kerisonaga Bi Mana Debene lamule Toroasa anda pirugola i̱na biabe ogoriani buliya Anduane Homogohanda henge timbuni ngiyane handa walia haru.
13Anda Ãbu howa handalu hewaria i̱naga hamene Taidasa naheyane hondowa i̱ mini burugulo haru. Ani bu howa i̱na Toroasa wali agalihondo, Hondo halimu, lalu Masedonia dindi pole piru.
14Ogonigo iname Ngode Datagaliwabehondo turu halu ka̱i̱ laabo hami̱ya. Irane ibugua ina Kerisoha howa Kerisonaga wayali holeneha puabo holoma̱ya haru kagoni. Mbirale ngabiame hagadagua Ngode Datagaliwabehanda wali agali bibahendeme Kerisonaga bi mana hale haame helo inaha howa ani biaga ka.
15Anigo ina Kerisohanda mbirale Ngode Datagaliwabehondo ngabilo delaga inisenesi miaga ale howa iname wali agali Ngode Datagaliwabenaga pele mulene yu karubi hariga koha pialu karubi ta nabihondo yo meremali.
16Mana ngabiaga ogoni hariga koha pialu karume ngubi homolenedane handa walia haga. Pele mulene yu karume ngabiore holene henenedane handa walia haga. Biabe ogonibi bibehe ai kabe.
17Agali dewalime galone ndo mbirale tara tara mitangi biagadagua Ngode Datagaliwabenaga bi mana ani mitangi bialu ibunaga biabe biaga ka. Ina ani ndoore beremali. Ngode Datagaliwabehanda ina biabe bule pu lenego iname ibunaga deni howa Kerisonaga biabe bia haga howa mini do nahe Ngode Datagaliwabenaga bi mana lameramali.