1Nodaha kulonga ulonzi wa wanhu na wasenga wa kuulanga, mbali one nabule ulondo niye nilinga fana dizi da mbugi hebu da pegwa.
2Nodaha kuwa na chitumetume cha kulotela usenga wa Mulungu, na nodaha kuwa na umanyi wose na kuvimanya vinhu vose vifisigwe, nodaha kuwa na uhuwilo wa kudaha kuhamiza migongo, mbali one nabule ulondo, niye si chinhu.
3Nodaha kulava chila chinhu chonilinacho, na kuweng'ha ngayengaye, hata kulava lukuli lwangu lulunguzigwe na moto, mbali one nabule ulondo, iyo haifaya chochose kumwangu.
4Munhu yeli na ulondo kofunya umoyo na kotaza, kabule migongo hebu matopa na haigoda.
5Munhu yeli na ulondo hapuwa hishima na hazahila faida yake mwenyewo na hakawa kupata ludoko na hapeta yehile.
6Munhu yeli na ulondo hadeng'helela yehile, mbali kodeng'helela yanogile.
7Munhu yeli na ulondo wokwehula yose, kololela yose, kohuwila yose, na kofunya umoyo siku zose.
8Ulondo wabule uhelelo. Usenga wenyewo wolotela wizaleka, na ulonzi wa kwazanya wizaleka kulongigwa. Vose vochivimanya vizabanangigwa.
9Kwaviya chitumetume chetu cha umanyi ni chidodo, na chitumetume chetu cha ulotezi ni chidogo,
10mbali vondachize chiya chikamilike, vose vili havikamilike vizahalawa.
11Vinikalile mwana nilonga fana mwana, nivimanya fana mwana, nigesa fana mwana. Viniwile mkulu, mbuli za uwana nizileka.
12Chochichiwona sambi ni fana munhu yoilola muna ichilole chifilile, mbali baho hamwande chizawona chihanga kwa chihanga. Sambi novimanya hakinakwenela, mbali baho hamwande yose nizayamanya hakinakwenela fana viya Mulungu viyonimanya niye.
13Vinhu vino vitatu vokala siku zose, uhuwilo na lolelo na ulondo. Na dili kulu kufosa yose ni ulondo.
