1 Timoteota 6

1

2

3

4

5

6

¹Mai­kan lutrinpas, kikinpa patrunta tukuipi suma iuiai­wa uia­chu­kuna. Chasaka, Taita Dius i pai­manda ima iacha­chis­ka­kuna mana kami­ris­pa­lla ka­chu­kuna.

²Cris­to­wa iuia­rig patrun iukag­kunaka mana ni­chu­kuna: “Nuka­pa patrun, nuka­wa waug­kin­di­sina­mi ña kan­chi. Chi­wanka, paita mana uiasa”. Chasa­paka iuia­ri­chu­kuna, chi patrun­kuna Cristo­wa iuia­rig kuiaska waug­kin­di­sina kagta­kuna. Chasa iuia­ris­paka, mas alli­lla rura­chu­kuna. Chi nis­ka­kuna­ta­mi iukangi, sin­chi iuia­chispa iacha­chinga.

³Mai­kan­pas, Iaia Jesu­cristopa alli suma rimai­kuna­wa i Taita Dius­wa iuia­rin­ga­pa iacha­chis­ka­kuna­wa iuia­ringa­taka, sug rigcha iacha­chig­kunaka,

⁴atun tukuspa, “Iacha­mi kani” iuia­rispa, ñi imapi alli­lla iuiaita mana iukan­kuna­chu. Chi runa­kunaka, ima rimai­pi­pas mas­ka­rin­kunami, sug­kuna­wa aini­chi­ri­na­kuspa nin­ga­pa: “Kam rimas­kaka, mana alli­lla kan­chu”. Chi­manda­mi kasa mana alli­lla tukug­samú: sug­kunata jiru iuiai­wa kawan­ga­pa; piña­chi­ri­na­kun­ga­pa; kami­na­kun­ga­pa; mana alli­lla sug­kuna­manda iuia­na­kun­ga­pa;

⁵sutipa kas­kata sakispa, jiru iuiag­pura piña­chi­ri­na­kun­ga­pa, mana tuku­rin­kama. Chasa­kuna iuian­kunami, Taita Dius­wa iuia­ris­paka, iapa kulki iukag tukug­samun­ga­pa kag­ta­kuna. Pai­kuna­pag­mandaka anchu­ringi.

⁶Taita Dius­wa suma iuia­ris­paka, mana ñi ima iukas­pa­pas, iapa iukag­sina­mi kan­chi. Chasaka, Taita Dius ima karas­ka­lla­wa alli­lla­mi kaug­sa­sun­chi.

⁷Nukan­chi tiag­samu­ura, ñi ima­wa mana chaiag­samur­kan­chi­chu. Chasa­lla­ta, wañu­ura, ñi ima­pas mana apaspa rin­ga­pa kan­chi­chu.

⁸Mikun­ga­pa i katanga chura­rin­ga­pa tia­chu: chi­kuna­lla­wa­mi iukan­chi kun­tin­ta­rispa kanga.

⁹Ikuti iapa iukan­ga­pa iuia­rispa munag­kunaka, mana­mi pudin­ga­pa kan­kuna, chasa iuiai­kunata sakin­ga­pa. Tug­lla­pi­sina urmaspa, wag­lli­chi­rin­kunami. Iapa upa­sina, tukui iukan­ga­pa­mi munag­samun­kuna. Chasa iuiai­lla­wa kas­ka­kuna, dil­tudu­pa­mi waglli­rispa puchuka­rin­kuna.

¹⁰Kulkita iapa kuiaspa munag, tukui mana alli­llapi urma­chig­mi ka. Sug­kunaka, kul­ki­lla­wa iapa iuiaspa, Cristo­wa iuia­ris­kata sakispa, sug mana alli ñambi­ta­mi rig­sina ruran­kuna. Chasaka, iapa lla­kii iukas­pa­lla­mi kaug­san­kuna.

¹¹Kamka, Taita Dius­pa runa kaspa, tukui chi jiru iuiai­kuna­manda anchu­rispa kaug­sangi. Taita Dius ima munas­kata ruraspa, paita suma iuia­rispa, Cristo­wa tukui iuia­ris­kata mana sakis­pa­lla kaug­sa­kungi. Chasa­lla­ta, tukui­kunata kuiaspa, mana piña­na­kus­pa­lla, mana atun­ia­chi­ris­pa­lla iuiaipi kangi.

¹²Cristo­manda­lla iuia­rispa tukuipi binsispa kangi. Mana puchu­ka­ri­diru suma kaug­saita, ¡ujala­lla­pas kichui tukungi! Chi kaug­sai­ta iukan­ga­pa­mi Taita Dius kamta kaiarka. Chasa­manda­mi, achka­kunapa ñugpa ladu, kam Cristo­wa tukus­kata alli­lla willar­kangi.

¹³Taita Dius tukuita kaug­sai karag­pa ñawipi i Jesu­cristopa ñawipi kasa­mi niiki. (Kikin Jesu­cris­to­pas, Pon­sio Pila­tospa ñawipi kikin­manda tapu­chi­ura, alli­lla­mi willarka.)

¹⁴Nuka ima nis­kata alli­lla ruraspa kaug­sangi, mana pan­da­ris­pa­lla. Chasa kaug­sag­pika, kamta mana chaian­ga­chu, ñi ima­pi­pas piñai tukun­ga­pa. Chasa ruraspa kaug­sangi, nukan­chipa Iaia Jesu­cristo ikuti samun­kama.

¹⁵Taita Dius kikin munaska pun­cha­mi Jesu­cristota ikuti kacha­munga. Pai Taita Dius­mi ka sug­lla, tukuipi iapa suma pudig. Atun mandag­kuna­manda i iaia mandag­kuna­manda­pas mas iaia­mi ka.

¹⁶Pai­lla­mi ñi ima­ura­pas mana wañun­ga­pa ka. Mana pipas chaian­ga­sina puncha­pi­mi kaugsá. Paita, ñi mai­kan runa mana kawaska kan­chu. Pai, ñi ima mana kawa­rig­mi ka. Tukui­kuna ima­ura­pas paita kuiaspa ni­sun­chi: “Kam, dil­tudu­pa tukui­kuna­manda mas atun man­dag­mi kangi”. Chasa kachu.

¹⁷Kai alpapi iapa iukag runa­kunata ni­puai, mana iapa atun­ia­chi­riska iuia­na­kuchu; kaipi tuku­rig iukas­ka­kuna­lla­wa mana iuia­ri­na­kuchu; kaug­sag Taita Dius­lla­ta iuia­rispa kaug­sa­na­kuchu. Taita Dius­mi tukui puchugta kará; chi­kuna­waka, nukan­chi alli­lla kaug­san­ga­pa.

¹⁸Chi iapa iukag­kuna, tukuipi alli­lla rura­chu­kuna. Chi ruras­ka­kuna­wa­mi, Taita Dius­pa ñawipi iapa iukag­sina ni­raian­ga­kuna. Mana michas­pa­lla, ima iukas­kata karaspa ka­chu­kuna.

¹⁹Chasa rurag­kunaka, saia­chin­ga­pa wasi muru­chu rumi­kuna kag­sina­mi suma luarpi iukan­ga­kuna. Chi­wanka, sutipa mana puchu­ka­ri­diru suma kaug­sai­ta­mi tarin­ga­kuna.

²⁰Timoteo, kamta mingas­kata alli­lla kawangi. Kai alpa­manda­lla ianga parlu­kunata mana uiangi. Chasa­lla­ta, llullaspa alli iachai kagta sug rigcha sug rigcha iacha­chis­ka­kunata mana tupa­ringi.

²¹Sug­kunaka, chi iacha­chis­ka­kunata katispa, Cristo­wa iuia­ris­kata sakispa, sug mana alli ñambi­ta­mi rig­sina ruran­kuna. Taita Dius, kamwa kag­kunata sumag­lla kawa­pua­chu.