1Itztoya se tlacatl itoca Nabot catli ejqui altepetl Jezreel huan quipixqui se xocomeca mili nechca nopa altepetl huan nechca campa Tlanahuatijquetl Acab tlen altepetl Samaria quipixtoya seyoc icaltlanahuatil.
2Huan se tonal Acab quiilhui Nabot: ―Technemaquilti moxocomecamil para nijtocas quilitl pampa eltoc nechca nochaj. Nimitztlaxtlahuis ica tomi o sintla tijnequi nimitzpatilis ica seyoc xocomeca mili.
3Huan Nabot quinanquili Acab: ―TOTECO nechtlatzacuiltisquía sintla nimitzmacas catli notatahua nechcahuilijtejque, huajca amo quema nijchihuas.
1 REYES 21
1 REYES 21:1-3