1 Kotindi 3:4-7

⁴Hali homeke ma꞉nda꞉ma꞉ alota꞉ I̱ta꞉ Polona꞉ hali halome la ala꞉pate hali ma꞉nda꞉ma꞉ I̱ta꞉ Apolosina꞉ hali halome la lea꞉ka꞉na꞉ta꞉ kota꞉ koto lo haleme ekima꞉ta꞉ ikana꞉ma꞉ kenke hau na pitelemepe.

⁵Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.

⁶I̱ta꞉ wae noka꞉polo hali haowa꞉me. Kutupa Apolosima꞉ta꞉ mo ikali naa hala꞉la꞉ hali haya꞉me. Dikita꞉ kutu pupa꞉pate opaake hauta꞉ Koda꞉ma꞉ piekeme.

⁷Wae noka꞉pa꞉la꞉ hali make ikali naa hala꞉la꞉ hali make ipilikita꞉ biki dia꞉ya꞉la꞉pate hande wae ale opaake hauta꞉ Koda꞉ma꞉ peaasa꞉ ekina꞉ ipika꞉ biki tieke ula꞉me.