13 Mani pↄ́ kũ ńdi wɛ́ kɛro kpámma dↄ. Mani n gba aruzɛkɛ kũ gakurio pínki ari n wɛ̃̀ndi lɛ́n. Kína ke ni ká n ũro.
14 Tó ń tɛ́mai, akũsↄ̃ ń ma yã'onnɛnanↄ kũ ma yãditɛnanↄ kũna lákũ n de Dauda kũna nà, mani n wɛ̃̀ndi dↄnnɛ kũ mↄ̀kakↄ̃anaao.
15 Akũ Sulemanu vù, à è kũ nanan a ò. Akũ à tà Yurusalɛmu, à gɛ̀ɛ à zɛ̀ Dikiri bàka kunna kũ Isarailanↄ àkpati arɛ, à sa'opↄ kũ òdi ká tɛ́n à tɛ́ kũnↄ kũ kɛnnakũkↄ̃o sa'opↄnↄ ò gwe, akũ à pↄnna pↄ́ble kɛ̀ a ìbanↄnɛ.
16 Zĩkea karua gbɛ̃nↄn pla kenↄ sù Sulemanu kĩnaa, ò zɛ̀ a arɛ.
17 Ń gbɛ̃ do pì: Ǹ gaafara kɛmɛnɛ kína. Makũ kũ nↄgbɛ̃ dío ó kú kpɛ́ dokↄ̃nↄmɛ. Akũ ma nɛ́ ì ókↄ̃nↄmɛ ó pla kpɛ́ pìi gũn.
18 A gↄrↄ aakↄ̃de zĩ nↄgbɛ̃ pì nɛ́ ì se. Ókↄ̃nↄmɛ ó pla kpɛ́ pìi gũn, gbɛ̃ke kú kũoo gwero.
19 Kũ nↄgbɛ̃ pìi wùtɛ a nɛ́gↄ̃gbɛ̃ pìia gwãani, akũ à gà.
