Text copied!
CopyCompare
Sembeleke - 1 Dioni

1 Dioni 1

Help us?
Click on verse(s) to share them!
1Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.
2Hande Da꞉ta꞉la꞉ ekita꞉ do kenkema꞉ handolo poloma꞉ tupa꞉ peneme yamo epeeke handa nikana꞉ma꞉ handoma꞉me. Kutupa koto mo Ateke yaapo hao hayeke niki pa꞉ta꞉ peneme yaeya꞉ Deto hala꞉ ekina꞉ pi iki pa꞉ta꞉ la kitolome.
3Nikana꞉ma꞉ handaa opoloma꞉ ekita꞉ iki paeyao pa꞉ta꞉ make opuaasoma꞉me. Pa ekipeke nikana꞉ma꞉ mo Ateke make ipika꞉ Eiyeke Yesu Ketiso ame̱le̱ hone homeke uluma꞉ ekita꞉ iki ame̱le̱ mandakena꞉ apa꞉tamena꞉yeke loma꞉me.
4Nikana꞉ma꞉ doeki laasoma꞉ ekita꞉ mo nika꞉ ta꞉na꞉ pa꞉la꞉eki ota꞉ anekema꞉ tumbulu baena꞉yeke pitoloma꞉me.
5Ameta꞉ nikana꞉ma꞉ mo Koda꞉na꞉ Eiyeke pa꞉ta꞉ yama꞉ opoloma꞉ ekimanu iki paeyao pa꞉ta꞉ opuaaseme ekita꞉ doe. Koda꞉ta꞉ pa̱a̱ kone yaalo hata꞉ ipiki pa꞉ta꞉ta꞉ timba꞉ la꞉la꞉eki ota꞉ ma꞉nda꞉ dia꞉me.
6Kota꞉ koto ya꞉ka꞉na꞉ta꞉ nikana꞉ma꞉ alota꞉ Ipiki ame̱le̱ homeke hone uluma꞉me la alo hata꞉ pa homeke dina꞉ kone timba꞉ ala꞉eki pa꞉ta꞉ haoma꞉ka꞉na꞉ta꞉ nikana꞉ma꞉ta꞉ mo nika꞉ pi aloma꞉ ekita꞉ makeaasa꞉ hau pitoloma꞉ make yayapikieki pitoloma꞉me.
7Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.
8Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.
9Pate nikana꞉ma꞉ nika꞉ hoke haumanu Koda꞉ pa꞉ta꞉ kelepoma꞉ka꞉na꞉ta꞉ kota꞉ ipikana꞉ma꞉ ipika꞉ pulueke laa la꞉ ula꞉eki pilieke. Kutupa ota꞉ tikitiki pita꞉la꞉ hau pitolo hata꞉ nika꞉ hoke haumanu paeyao paeyaasota꞉ nika꞉ hokeeki poloma꞉eki paeyao wamo pealieke.
10Kota꞉ a꞉nda꞉ nikana꞉ma꞉ alo hata꞉ Nikita꞉ hoke hau na poloma꞉me la loma꞉ka꞉na꞉ta꞉ nikana꞉ma꞉ Koda꞉ta꞉ yayapiki pi lo hala꞉ hali au laasoma꞉me. Kutupa ipika꞉ pita꞉ niki pa꞉ta꞉ na ula꞉me.