1 Corinthians 2:9-13

⁹Awarate jiwari mi sira, “Ro embo mi gae edo ingae edo ro bugadira awa embo mi kotae awa God embo mi dubo budo era awasedo God mi sia etira.”

¹⁰Awarate God uso Asisi Kotopu mi uso jo ge awa ingodenaso yei isaga etira. Edo Asisi Kotopu mi rora berari da torido edo eura edo ira. Edo umo God da kotari tuda unjugari ainda torido eura edo God umo ro adi kotira awa gosira.

¹¹Da awodo embo uso asisi uso joda atira amimi embo awa gido ira. Da awodo God da Asisi mi God rawodo ri awa gido ira.

¹²Edo ingodena embo busu da atima era amimi kotedo era da awodo awa kotae ra awarate Asisi Kotopu God mi itiri bugusira awa ingode burisera. Edo ingode God umo ingodena awasedo burigi ro adi dipapa ira awawa gorase sedo God uso Asisi Kotopu itiri bugusira.

¹³Awasedo ingodena embo da jiro gari mi atopapotisera ainda ge mi ingodena sae ra awarate ge Asisi Kotopu mi atopapotisira ge amimi ingode ge sera. Edo ge awodo sise embo Asisi Kotopu burisera ainda yei ingode God da gebe awa ujugurera.