ᤛᤣ᤺ᤰᤕᤢᤰᤔᤡᤒᤠᤜᤠ᤹ 7:5-8

⁵ᤜᤧᤰᤁᤣᤛᤠᤱ ᤂᤢᤏᤧ᤹ ᤁᤴ ᤗᤠᤈᤣ᤹ᤀᤥ ᤗᤠᤱᤓᤥ ᤋᤥ᤹ᤔᤠ ᤗᤠᤈᤣ᤹ᤀᤠᤱ ᤔᤧᤒᤡᤖᤢᤴᤗᤥ. ᤁᤖ ᤁᤴ ᤂᤢᤏᤧ᤹ ᤏᤢ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ ᤋᤠ᤺ᤴᤍᤡ ᤐᤡᤔᤠᤛᤡ ᤑᤠ᤹ᤀᤠᤱ ᤔᤠᤱᤜᤧᤰ ᤆᤥᤃᤢᤖᤥ॥ ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠ ᤕᤧᤶᤔᤥ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ᤎᤡᤰᤁᤠᤱ ᤜᤥ᤺ᤵᤋᤧᤖᤥ॥

⁶ᤕᤠᤱᤛᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤀᤰᤂᤣ ᤔᤧᤳᤋᤢ. ‘ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤠ᤺ᤱᤄᤠᤒᤠ ᤘᤣ᤹ ᤗᤠᤈᤣ᤹ᤀᤥ ᤔᤧᤕᤢᤱᤗᤥ॥ ᤂᤧᤵᤔᤥᤒᤠ ᤗᤠᤈᤣ᤹ᤛᤠᤒᤠᤜᤠ᤹ᤖᤧ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤀᤠᤱ ᤁᤢᤃᤡᤵ ᤗᤡᤛᤡ ᤋᤱᤒᤣ (᥊᥆᥆) ᤌᤠᤖᤡᤰ ᤂᤢᤏᤡ᤹ ᤛᤠᤰᤁᤧᤸᤗᤧᤰᤁᤠᤱ ᤕᤥ᤺ᤰ ᤔᤧᤈᤥᤃᤢᤛᤡ᤹ᤖᤥ॥

⁷ᤁᤖ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤕᤥ᤺ᤰᤐᤠ ᤁᤧᤈᤥ᤺ᤰᤐᤠ ᤂᤧᤵᤔᤥᤒᤠ ᤗᤠᤈᤣ᤹ᤛᤠᤒᤠᤜᤠ᤹ ᤀᤡᤱᤃᤠ᤹ ᤂᤢᤶᤍᤡᤱ ᤐᤡᤖᤢᤱᤛᤡᤱᤗᤥ॥ ᤜᤧᤰᤁᤩᤠᤱ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤂᤧᤴ ᤗᤠᤈᤣ᤹ᤀᤥᤗᤠᤶ ᤁᤴ ᤗᤠᤈᤣ᤹ᤀᤥ ᤔᤧᤎᤠᤱᤅᤠᤱ ᤀᤡᤱᤃᤠ᤹ ᤛᤣᤘᤠ ᤔᤧᤈᤥ᤺ᤰᤁᤠᤖᤥ॥’

⁸ᤜᤧᤰᤁᤩᤠᤱ ᤀᤒᤪᤠᤜᤠᤶᤔᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣ ᤔᤠᤱᤜᤢᤵᤗᤧᤴ ᤔᤡᤰᤛᤣ᤺ᤴ ᤐᤥ᤺ᤱᤗ ᤑᤠ᤹ᤀᤠᤱ ᤜᤷᤍᤥ ᤜᤧᤰᤔᤠ ᤌᤡᤶ ᤐᤡᤖᤢᤖᤥ॥ ᤜᤧᤰᤁᤣ᤺ᤸᤗᤧ ᤀᤒᤪᤠᤜᤠᤔᤖᤧ ᤀᤡᤛᤜᤠᤰᤁᤡᤴ ᤛᤠᤘᤠ᤺ᤴᤍᤢᤀᤠᤱ ᤕᤧᤳᤇᤡ (᥎) ᤕᤧᤴᤏᤥ ᤜᤷᤍᤥ ᤜᤧᤃᤢ ᤐᤡᤖᤢ॥ ᤜᤧᤰᤁᤩᤠᤱ ᤀᤡᤛᤜᤠᤁᤧᤴ ᤕᤠᤁᤢᤒᤖᤧ ᤁᤢᤶᤒᤠᤖᤥ॥ ᤀᤠᤏᤡ᤹ᤃ ᤕᤠᤁᤢᤒᤖᤧ ᤌᤡᤰ-ᤏᤧᤳ (᥇᥈) ᤁᤢᤛ᤻ᤛᤠ᤺ᤜᤠ᤹ᤖᤧ ᤂᤢᤏᤡ᤹ ᤔᤢ᤹ᤀᤡᤍᤠᤱᤛᤠᤛᤡᤖᤥ॥