24ᤁᤖ ᤀᤠᤜᤡᤱᤔᤴᤏᤥ ᤍᤠᤱᤒᤠ ᤕᤧᤛᤢᤖᤧ ᤐᤡᤖᤠᤱᤒᤠ ᤕᤠ᤺ᤶᤒᤰᤁᤡᤴ ᤆᤥ᤺ᤰᤔᤠ ᤛᤢ᤺ᤵᤔᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤄᤱ ᤀᤡᤱᤓᤥ᤺ᤔᤠᤀᤠᤱᤎᤥ ᤘᤣ᤹ ᤌᤣᤀᤠᤱ ᤔᤧᤀᤡ᤺ᤳᤋᤢᤱᤅᤡᤴᤗᤥ॥
25ᤀᤠᤸᤗ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤀᤡᤱᤓᤴ ᤆᤥ᤺ᤰᤏᤡᤱᤒᤠ ᤂᤡᤏᤡ᤹ ᤀᤠᤳᤋᤡᤸᤗᤧᤀᤠᤱ ᤀᤡᤱᤃᤠ᤹ ᤕᤠᤶᤔᤥ ᤕᤠᤵᤔᤡ ᤁᤧᤴᤏᤡ᤺ᤛᤡᤴ ᤑᤠ᤹ᤀᤠᤱ ᤏᤡ᤺ᤛᤢᤱᤗᤥ॥
26ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤀᤠᤳᤋᤡᤸᤗᤧᤴᤏᤠᤱ ᤔᤧᤰᤔᤠᤸᤗᤧᤴ ᤀᤡᤱᤃᤠ᤹ ᤀᤠᤵᤋᤡᤰ ᤔᤧᤄᤥᤀᤠᤴᤗᤥ ᤑᤠ᤹ᤀᤠᤱ ᤀᤠᤀᤡᤴ ᤀᤡᤱᤃᤠ᤹ ᤔᤧᤳᤏᤡᤱᤗᤥ॥
27ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤏᤡᤱᤛᤣ᤺ᤰ ᤀᤡᤱᤓᤴ ᤆᤥ᤺ᤰᤔᤠ ᤀᤣᤃᤠᤱ ᤔᤧᤶᤒᤵᤐᤧᤴᤗᤥ॥
28ᤜᤧᤰᤁᤣ᤺ᤸᤗᤧ ᤁᤧᤖᤧᤰ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤡᤏᤡ᤹ ᤗᤰᤐᤧᤴᤏᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤏᤢ᤺ᤖᤡᤰᤁᤠᤱ ᤀᤥᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤛᤣᤛᤣᤔᤠᤱᤅᤡᤸᤗᤧ ᤂᤡᤏᤡ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤁᤧᤈᤥᤃᤡᤀᤠᤱ ᤘᤠ᤹॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤋᤢᤰᤋᤢᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤡᤅᤢᤒᤠ ᤛᤣᤛᤣᤜᤢᤵᤗᤰᤁᤡᤴ ᤁᤶᤒᤪᤠᤱ ᤔᤧᤳᤋᤧᤶᤔᤧ᤹॥
29ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤐᤰᤌᤠᤏᤡᤱᤅᤠᤱᤃ ᤁᤡᤵᤔᤠ ᤁᤧᤄᤢ᤺ᤒᤠ ᤐᤖᤠᤒᤠᤜᤠ᤹ ᤔᤧᤍᤠᤀᤠᤱ ᤔᤧᤸᤗᤢᤰ ᤗᤢᤵᤜᤠ᤹ ᤔᤧᤴᤏᤴᤇᤢᤴᤛᤡᤴᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤢᤶᤔᤥᤀᤣ ᤀᤡᤱᤗᤧᤰᤐᤠ ᤛᤡᤰᤛᤠᤶᤒᤠᤜᤠ᤹ ᤔᤧᤗ᤺ᤴᤏᤠᤱ ᤂᤡᤏᤡ᤹ ᤁᤧᤔᤧᤴᤍᤠᤱᤄᤡᤴ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤁᤳᤋᤢᤱᤗᤥ॥