27ᤜᤧᤰᤁᤣ᤺ᤸᤗᤧ ᤐᤢᤱᤗᤠᤀᤡᤱᤒᤠᤴ ᤁᤢᤔᤡᤰ ᤛᤥᤖᤧᤀᤠᤱ ᤐᤢᤱᤗᤠᤜᤡᤶᤔᤥᤒᤠ ᤗᤠᤶᤎᤣ᤺ᤵᤜᤠ᤹ ᤜᤖᤧᤀᤠᤱ ᤐᤳᤇᤧᤒᤠ ᤏᤡ᤺ᤛᤢ ᤜᤧᤰᤁᤩᤠᤱ ᤐᤢᤱᤗᤠᤎᤠᤒᤠᤜᤠ᤹ ᤔᤧᤄᤧᤳᤇᤡᤱ ᤔᤧᤒᤣᤒᤡᤗᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢ॥ ᤜᤧᤰᤁᤣ᤺ᤸᤗᤧ ᤜᤣ᤺ᤛᤢᤒᤠ ᤋᤠᤓᤣ᤺ᤴ ᤋᤖᤵ ᤑᤡ᤺ᤰᤂᤢᤀᤠᤱ ᤛᤧᤳᤇᤡᤱᤔᤠ ᤁᤥ᤺ᤳᤋᤢᤖᤥ॥
28ᤁᤖ ᤐᤠᤘᤗᤖᤧ ᤀ᤺ᤰᤋᤧᤖ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤠᤀᤣ. ᤌᤣᤀᤠᤱ ᤔᤧᤔᤧᤳᤇᤡᤅᤧᤴᤏᤧ᤹ᤀᤥ᥄ ᤀᤠᤏᤡᤃᤧᤃ ᤂᤠ ᤁᤵᤔᤥᤀᤣ ᤕᤠᤃᤡᤃᤧ᤹ᤖᤥ॥”
29ᤂᤧᤴ ᤐᤢᤱᤗᤠᤀᤡᤱᤒᤠᤸᤗᤧ ᤛᤣᤔᤡ᤺ᤴ ᤜᤠ᤺ᤶᤔᤠ ᤐᤠᤱᤄᤢᤛᤡᤀᤠᤱ ᤛᤡᤃᤠᤱ ᤗᤥ᤺ᤰᤋᤧᤖ ᤋᤩᤧ॥ ᤂᤧᤴ ᤕᤰᤂᤧᤖ ᤐᤠᤘᤗ ᤏᤢ ᤛᤡᤗᤠᤛᤖᤧ ᤂᤢᤴᤇᤡ᤹ ᤗᤠᤱᤈᤰᤐᤥ ᤌᤢᤱᤒᤥᤜᤈ᤹ ᤕᤢᤱᤛᤡᤱᤗᤥ॥
30ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡᤀᤠᤱ ᤛᤣ᤺ᤴᤍᤥᤛᤢᤛᤡ. “ᤀᤠᤍᤠᤱᤒᤠᤛᤣ. ᤀᤡᤱᤃᤠ᤹ ᤌᤣ ᤆᤥᤃᤢᤱᤅᤡᤸᤗᤧ ᤛᤧᤴᤗᤵ ᤂᤥᤀᤠᤒᤣ᥅”