ᤗᤢᤁᤠ 19:30-41 in Limbu

³⁰ “ᤂᤡᤴᤇᤡ᤹ ᤋᤃᤠᤱᤒᤠ ᤐᤠᤱᤓᤣ᤹ᤀᤥ ᤐᤣᤛᤧ᤹॥ ᤂᤧᤵᤔᤥ ᤁᤧᤗᤠ᤺ᤳᤇᤡᤸᤗᤧ ᤀᤠᤵᤑᤠᤸᤗᤧᤀᤠᤱ ᤔᤧᤴᤕᤢᤰᤁᤣ ᤁᤧᤘᤠ᤹ᤒᤠ ᤀᤍᤱᤛᤠᤎᤡᤰ ᤀᤡᤔᤧᤄᤣ᤺ᤰᤂᤢᤀᤠᤱ ᤕᤧᤵᤐᤠ ᤁᤧᤍᤢᤶᤛᤢ᤹॥ ᤂᤧᤴ ᤗᤧᤖᤧᤳᤇᤧ᤹ᤀᤠᤱ ᤁᤳᤏᤠ ᤑᤧᤳᤋᤧᤳᤇᤧ᤹॥

³¹ ᤔᤏᤠᤜᤠ᤹ᤖᤧ ᤌᤣᤀᤠᤱ ᤁᤴ ᤀᤍᤱᤛᤠ᤺ᤴ ᤁᤧᤗᤧᤳᤇᤢᤒᤠᤒᤣ ᤑᤠ᤹ᤀᤠᤱ ᤛᤣ᤺ᤴᤃᤧᤶᤗᤠᤵᤛᤡᤏᤧ ᤑᤠ᤹ᤃᤪ ᤁᤱᤃ ᤍᤠᤱᤒᤠᤴ ᤆᤠᤜᤠᤒᤠ ᤆᤥᤃᤧᤀᤠᤱ ᤘᤠ᤹ ᤑᤠ᤹ᤀᤠᤱ ᤔᤧᤳᤋᤧᤛᤧ᤹ᤀᤥ॥”

³² ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤣᤛᤡᤸᤗᤧ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤜᤧᤰᤁᤣ ᤛᤧᤰᤂᤠᤀᤣ ᤀᤍᤱᤛᤠ᤺ᤴ ᤏᤡ᤺ᤛᤧᤳᤇᤢ॥

³³ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤗᤧᤖᤧᤳᤇᤢᤖ ᤐᤳᤇᤧᤳᤇᤡᤸᤗᤧ ᤂᤧᤵᤔᤥ ᤁᤢᤴᤍᤠᤱᤒᤠᤜᤠ᤹ ᤔᤧᤍᤩᤧᤀᤠᤱ ᤛᤣ᤺ᤴᤔᤧᤍᤥᤛᤢᤛᤡ. “ᤌᤣᤀᤠᤱ ᤁᤴ ᤀᤍᤱᤛᤠ᤺ᤴ ᤁᤧᤗᤧᤳᤇᤢᤒᤠᤒᤣ᥅”

³⁴ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤏᤥᤃᤵ ᤐᤡᤖᤧᤳᤇᤢ. “ᤁᤱᤃ ᤍᤠᤱᤒᤠᤴ ᤆᤠᤜᤠᤒᤠ ᤆᤥᤃᤧᤀᤠᤱ ᤘᤠ᤹ᤖᤥ॥”

³⁵ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤀᤍᤱᤛᤠ᤺ᤴ ᤕᤧᤛᤢᤖᤥ ᤋᤠᤖᤧᤳᤇᤢᤀᤠᤱ ᤀᤍᤱᤛᤠ᤺ᤸᤗᤧ ᤁᤢᤀᤣ᤺ᤰᤁᤥ ᤂᤢᤏᤡ᤹ ᤋᤣ᤺ᤳᤜᤠ᤹ ᤔᤧᤓᤧᤛᤢ. ᤜᤧᤰᤁᤩᤠᤱ ᤕᤧᤛᤢ᤺ᤴ ᤂᤧᤴ ᤛᤶᤍᤠᤱ ᤔᤧᤕᤢᤰᤂᤢᤖᤥ॥

³⁶ ᤂᤧᤴ ᤕᤢᤰᤋᤢᤀᤠᤱ ᤐᤣ᤺ᤸᤗᤧ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤣ᤺ᤳᤜᤠ᤹ ᤗᤠᤶᤔᤥ ᤔᤧᤓᤧᤛᤢᤖ ᤂᤢᤏᤧ᤹ ᤗᤠᤱᤍᤠ᤺ᤰᤔᤠ ᤔᤧᤒᤡᤖᤢᤖᤥ॥

³⁷ ᤜᤧᤰᤁᤩᤠᤱ ᤕᤧᤛᤢ᤺ᤴ ᤈᤤᤋᤢᤏ ᤁᤥ᤺ᤰᤔᤠᤀᤥᤗᤠᤶ ᤛᤱᤔᤠᤱ ᤌᤠ᤺ᤔᤠ ᤁᤧᤒᤥ᤺ᤱᤒᤠ ᤋᤧᤴᤏᤥ ᤁᤧᤵᤔᤠ ᤀᤡ᤺ᤳᤋᤧᤀᤠᤱ ᤘᤕᤧᤸᤗᤧ ᤕᤖᤡᤰ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤔᤧᤏᤡ᤺ᤛᤢᤒᤠᤴ ᤔᤧᤀᤡ᤺ᤳᤋᤢᤀᤠᤱ ᤔᤧᤛ᤺ᤳᤋᤧᤖ ᤕᤶᤒᤠ ᤀᤡᤰᤗᤠᤀᤥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤔᤠ ᤔᤧᤜᤣ᤺ᤰᤋᤢ–

³⁸ “ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤁᤧᤍᤠ᤺ᤒᤠ ᤜᤠᤱᤅᤡᤴ ᤔᤢ᤹ᤀᤡᤛᤠᤒᤠ ᤐᤥ᤺ᤱᤗᤖᤥ॥ ᤛᤠᤱᤃᤪᤠᤶᤐᤣᤍᤠᤱᤅᤥ ᤛᤏᤠᤖᤢᤱ ᤐᤥ᤺ᤱᤗᤖᤥ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥ᤺ᤱᤗᤖᤥ॥”

³⁹ ᤁᤖ ᤂᤧᤵᤔᤥ ᤔᤏᤠᤗᤢᤶᤔᤥ ᤁᤧᤘᤠ᤹ᤒᤠ ᤁᤢᤓᤠ ᤑᤖᤡᤛᤡᤜᤠ᤹ᤖᤧ ᤕᤧᤛᤢ᤺ᤴ ᤔᤧᤔᤧᤳᤋᤢ. “ᤛᤡᤰᤛᤠᤶᤒᤣ. ᤂᤧᤏᤧ᤹ ᤁᤧᤜᤢ᤹ᤛᤠᤶᤒᤠᤜᤠ᤹ ᤜᤧᤰᤁᤣ ᤔᤧᤒᤠ᤺ᤳᤋᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤑᤧ᤺ᤰᤋᤧᤛᤧ᤹ᤀᤥ॥”

⁴⁰ ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤧᤵᤛᤧᤶᤔᤧ᤹ᤀᤥ. ᤂᤧᤱᤜᤠ᤹ ᤛᤫᤠ᤺ᤳ ᤔᤧᤕᤢᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤔᤧᤛ᤺ᤳᤋᤠᤱ ᤔᤧᤒᤠ᤺ᤳ ᤔᤧᤗ᤺ᤴᤗᤥ॥”

⁴¹ ᤁᤖ ᤕᤧᤛᤢ᤺ᤴ ᤕᤖᤢᤛᤗᤧᤔ ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤁᤧᤖᤧᤸᤗᤧ ᤂᤧᤴ ᤕᤧᤰᤕᤰᤁᤡᤴ ᤀᤥᤔᤧᤳᤋᤢᤀᤠᤱ ᤜᤠᤒᤧ. ᤜᤧᤰᤁᤩᤠᤱ ᤀᤰᤂᤣ ᤐᤠ᤺ᤳᤋᤢ.

³⁰ “खिन्‍छिॽ तगाङ्‌बा पाङ्‌भेॽओ पेसे़ॽ॥ खे़प्‍मो के़लाःत्‍छिल्‍ले़ आप्‍फाल्‍ले़आङ् मे़न्‌युक्‍के के़वाॽबा अदङ्‌साधिक् इमे़घेःक्‍खुआङ् ये़प्‍पा के़दुम्‍सुॽ॥ खे़न् ले़रे़त्‍छे़ॽआङ् कत्‍ना फे़त्ते़त्‍छे़ॽ॥

³¹ मनाहाॽरे़ थेआङ् कन् अदङ्‌साःन् के़ले़त्‍छुबाबे फाॽआङ् सेःन्‍गे़म्‍लाप्‍सिने़ फाॽग्र कङ्‌ग दाङ्‌बान् चाहाबा चोगे़आङ् वाॽ फाॽआङ् मे़त्ते़से़ॽओ॥”

³² हे़क्‍क्‍याङ् खे़ङ्‌हाॽ पेसिल्‍ले़ ये़सुरे़ पाःत्तुबा हे़क्‍के से़क्‍खाए अदङ्‌साःन् निःसे़त्‍छु॥

³³ हे़क्‍क्‍याङ् खे़ङ्‌हाॽरे़ खे़न् ले़रे़त्‍छुर पत्‍छे़त्‍छिल्‍ले़ खे़प्‍मो कुन्‍दाङ्‌बाहाॽ मे़द्‌ये़आङ् सेःन्‍मे़दोसुसि, “थेआङ् कन् अदङ्‌साःन् के़ले़त्‍छुबाबे?”

³⁴ हे़क्‍केःल्‍ले़ खे़ङ्‌हाॽरे़ नोगप् पिरे़त्‍छु, “कङ्‌ग दाङ्‌बान् चाहाबा चोगे़आङ् वाॽरो॥”

³⁵ हे़क्‍क्‍याङ् खे़ङ्‌हाॽरे़ खे़न् अदङ्‌साःन् ये़सुरो तारे़त्‍छुआङ् अदङ्‌साःल्‍ले़ कुएःक्‍को खुनिॽ तेःत्‍हाॽ मे़भे़सु, हे़क्‍क्‍याङ् ये़सुःन् खे़न् सम्‍दाङ् मे़युक्‍खुरो॥

³⁶ खे़न् युक्‍तुआङ् पेःल्‍ले़ मनाहाॽरे़ खुनिॽ तेःत्‍हाॽ लाम्‍मो मे़भे़सुर खुने़ॽ लाङ्‌दाःक्‍मा मे़बिरुरो॥

³⁷ हे़क्‍क्‍याङ् ये़सुःन् जैतुन कोःक्‍माओलाम् सङ्‌माङ् थाःमा के़बोःङ्‌बा ते़न्‍नो के़प्‍मा इःत्ते़आङ् वये़ल्‍ले़ यरिक् कुहुॽसाम्‍बाहाॽरे़ निङ्‌वाॽ के़माबा याःम्‍बक्‍हाॽ मे़निःसुबान्‌मे़इःत्तुआङ् मे़सःत्ते़र यम्‍बा इक्‍लाओ अक्‍खेलॽरिक् निङ्‌वाॽफुमाङ्‌ङिल्‍ले़ कुनारा फोःमा मे़हेःक्‍तु–

³⁸ “यहवे दाङ्‌बाल्‍ले़ कुमिङ्‌ङो के़दाःबा हाङ्‌ङिन् मुॽइसाबा पोःङ्‌लरो॥ साङ्‌ग्राम्‍पेदाङ्‌ङो सनारुङ् पोःङ्‌लरो, निङ्‌वाॽफुमाङ्‌ङिल्‍ले़ कुमिमिदिङ् पोःङ्‌लरो॥”

³⁹ कर खे़प्‍मो मनालुम्‍मो के़वाॽबा कुभा फरिसिहाॽरे़ ये़सुःन् मे़मे़त्तु, “सिक्‍साम्‍बे, खे़ने़ॽ के़हुॽसाम्‍बाहाॽ हे़क्‍के मे़बाःत्ते़म्‍मिन्‍ने़ॽ फाॽआङ् फे़ःक्‍ते़से़ॽओ॥”

⁴⁰ हे़क्‍केःल्‍ले़ ये़सुरे़ खे़ङ्‌हाॽ नोगप् पिरुसि, “खे़प्‍से़म्‍मे़ॽओ, खे़ङ्‌हाॽ स्‍वाःत् मे़युङ्‌ङिल्‍ले़ग कन् लुङ्‌हाॽआङ् मे़सःत्ताङ् मे़बाःत् मे़लःन्‍लो॥”

⁴¹ कर ये़सुःन् यरुसले़म ये़क्‌यक्‍किल्‍ले़ कुबेसाङ् के़रे़ल्‍ले़ खे़न् ये़क्‌यक्‍किन् ओमे़त्तुआङ् हाबे़, हे़क्‍क्‍याङ्‌अक्‍खे पाःत्तु,