21ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ᤃ ᤗᤳᤇᤠ ᤔᤏᤠᤎᤡᤰ ᤏᤠ᤺ᤶᤛᤡᤱᤔᤠ ᤕᤧᤴᤏᤥ ᤏᤢᤛᤢᤱᤅᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥
22ᤁᤖ ᤂᤡᤏᤡ᤹ᤀᤠᤱ ᤔᤥᤛᤠᤖᤧ ᤁᤧᤒᤡᤖᤡᤒᤠ ᤜᤷᤍᤥ ᤜᤧᤰᤔᤠ ᤛᤠᤶᤕᤥᤌᤡᤶᤔᤡᤴ ᤁᤧᤏᤠ᤺ᤳᤋᤢᤶ ᤁᤧᤀᤡ᤺ᤳᤋᤢᤶᤔᤠᤱ ᤏᤠ᤺ᤶᤛᤡᤱ ᤕᤧᤴᤏᤥᤀᤣ ᤂᤡᤏᤡ᤹ ᤛᤠ᤺ᤜᤠ᤹ᤖᤧᤴ ᤜᤷᤍᤥ ᤁᤧᤜᤧᤃᤢᤶ ᤁᤧᤒᤡᤖᤢᤶᤛᤡᤶᤔᤡᤸᤗᤧ ᤂᤡᤏᤡ᤹ᤀᤠᤱ ᤛᤠᤶᤕᤥᤌᤡᤶᤔᤡᤴ ᤁᤧᤓᤣ᤺ᤴᤍᤢᤶᤗᤥ॥ (ᤛᤧᤰᤂᤠ᤺ᤸᤗᤧ ᤁᤴ ᤜᤷᤍᤥ ᤜᤧᤰᤔᤠ ᤛᤠᤶᤕᤥᤌᤡᤶᤔᤡᤱᤃ ᤔᤥᤛᤠᤗᤠᤶ ᤔᤧ᤺ᤴ. ᤁᤖ ᤁᤱᤃ ᤀᤒᤪᤠᤜᤠᤶᤗᤠᤶ ᤐᤥ᤺ᤰᤂᤧ ᤕᤧᤒᤠᤖᤥ॥)
23ᤀᤠᤸᤗ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤔᤧᤒᤣ᤺ᤴᤏᤧᤴᤗ ᤑᤠ᤹ᤀᤠᤱ ᤏᤠ᤺ᤶᤛᤡᤱ ᤕᤧᤴᤏᤥ ᤂᤡᤏᤡ᤹ ᤛᤠ᤺ᤜᤠ᤹ᤖᤧᤴ ᤜᤷᤍᤥ ᤜᤧᤰᤔᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤏᤧ ᤑᤠ᤹ᤃᤪ. ᤀᤡᤱᤃᤠ᤹ ᤁᤴ ᤔᤏᤠ᤺ᤴ ᤏᤠ᤺ᤶᤛᤡᤱᤔᤠ ᤕᤧᤴᤏᤥ ᤏᤢᤛᤢᤱᤅᤡᤸᤗᤧ ᤌᤣᤀᤠᤱ ᤀᤡᤱᤃᤠ᤹ᤏᤢ ᤂᤡᤏᤡ᤹ ᤕᤠ᤺ᤰᤗᤧ᤹ᤒᤠᤒᤣ᥅
24ᤔᤏᤠ ᤀᤥᤔᤧᤵᤔᤠᤛᤡᤀᤠᤱ ᤔᤧ᤺ᤴ ᤁᤖ ᤛᤧᤰᤂᤠᤀᤥ ᤂᤠᤛᤧᤴ ᤗᤥ᤺ᤴᤍᤧᤶᤔᤧ᤹ᤀᤥ॥”
25ᤂᤧᤴ ᤕᤧᤶᤔᤥ ᤕᤖᤢᤛᤗᤧᤔ ᤁᤧᤕᤢᤱᤒᤠ ᤁᤢᤓᤠ ᤔᤏᤠᤜᤠ᤹ ᤀᤰᤂᤣ ᤔᤧᤔᤧᤳᤇᤡᤱ. “ᤔᤧ᤺ᤶᤒᤧ. ᤛᤧᤵᤔᤠ ᤔᤧᤃᤥ᤺ᤳᤋᤢᤖ ᤔᤧᤘᤠ᤹ᤒᤠ ᤔᤏᤠ᤺ᤴ ᤒᤠ ᤁᤴ ᤔᤧ᤺ᤶᤒᤡ᥅