ᤕᤢᤜᤢᤴᤏᤠ 5:20-23

²⁰ᤌᤣᤀᤠᤱᤓᤧᤸᤗᤧ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤢᤛ᤻ᤛᤠ᤺ᤴ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤂᤢᤏᤧ᤹ ᤆᤥᤃᤢᤒᤠ ᤁᤠᤰ ᤕᤠ᤺ᤶᤒᤰᤁᤡᤴ ᤀᤥᤛᤣ᤺ᤴᤎᤠᤰᤋᤢ᤹ᤖᤥ॥ ᤜᤧᤰᤁᤩᤠᤱ ᤁᤴ ᤔᤏᤠ᤺ᤴ ᤘᤣ᤺ᤳᤋᤧᤒᤠᤴᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤕᤠ᤺ᤶᤒᤰᤜᤠ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤀᤥᤛᤣ᤺ᤴᤎᤠᤰᤋᤢᤒᤠ ᤁᤧᤏᤡ᤺ᤛᤢᤶᤔᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤔᤠᤖᤥ॥

²¹ᤌᤣᤀᤠᤱᤓᤧᤸᤗᤧ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤧᤛᤡ᤺ᤒᤠᤜᤠ᤹ ᤕᤠᤶᤔᤥ ᤜᤡᤱᤄᤢᤛᤡᤀᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤐᤡᤖᤢᤛᤡᤒᤠ ᤁᤢᤀᤡᤛᤡ᤺ᤰᤁᤣ ᤁᤢᤛ᤻ᤛᤠ᤺ᤸᤗᤧᤀᤠᤱ ᤏᤡᤱᤘᤠ᤹ ᤆᤥᤃᤢᤛᤡᤒᤠ ᤔᤏᤠᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤐᤡᤖᤢᤛᤡ᤹ᤖᤥ॥

²²ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤐᤠᤏᤢᤍᤡᤱ ᤐᤠ᤺ᤸᤗᤧ ᤜᤠ᤺ᤳᤋᤠᤱ ᤀᤠᤒᤠᤅᤣ ᤂᤠᤛᤧᤴ ᤔᤧᤈᤥᤃᤢᤴ. ᤁᤖ ᤁᤠᤰ ᤂᤠᤛᤧᤴ ᤆᤥ᤺ᤰᤔᤠ ᤕᤢᤰᤁᤡᤴ ᤁᤢᤛ᤻ᤛᤠ᤺ᤴ ᤐᤡᤖᤢᤀᤠᤱ ᤘᤠ᤹ᤖᤥ॥

²³ᤂᤧᤸᤗᤧ ᤆᤥᤃᤢᤸᤗᤧ ᤁᤠᤰ ᤔᤏᤠᤜᤠ᤹ᤖᤧ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤡᤱᤎᤠ᤺ᤱ ᤔᤧᤒᤡᤖᤢᤒᤠ ᤁᤢᤀᤡᤛᤡ᤺ᤰᤁᤣ ᤁᤢᤛ᤻ᤛᤠ᤺ᤴᤏᤠᤱ ᤔᤧᤒᤡᤖᤢᤖᤖᤥ॥ ᤁᤖ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤀᤡᤱᤎᤠ᤺ᤱ ᤔᤧᤶᤒᤡᤔᤏᤠᤒᤠᤸᤗᤧᤃ ᤁᤢᤛ᤻ᤛᤠ᤺ ᤁᤧᤒᤠᤱᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤠᤱ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥”