ᤕᤢᤜᤢᤴᤏᤠ 20:16-19

¹⁶ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤔᤖᤡᤕᤶᤔᤣ᥄” ᤂᤢᤏᤧ᤹ ᤕᤧᤛᤢ᤺ᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ “ᤖᤒ᤻ᤒᤥᤏᤡ᥄” ᤔᤧᤳᤋᤢᤖᤥ॥ (ᤂᤧᤴ ᤑᤠ᤹ᤀᤡᤱᤃ ᤜᤡᤒᤪᤢ ᤐᤠ᤺ᤴᤏᤥ “ᤛᤡᤰᤛᤠᤶᤒᤣ” ᤐᤥ᤺ᤱᤗᤥ॥)

¹⁷ᤕᤧᤛᤢᤖᤧ ᤂᤧᤴ ᤔᤧᤳᤋᤢ “ᤀᤡᤱᤃᤠ᤹ ᤔᤧᤍᤧᤶᤛᤠᤱᤅᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤸᤗᤥ ᤌᤠᤖᤡᤰ ᤀᤡᤱᤃᤠ᤹ ᤐᤠᤏᤢᤍᤡᤱ ᤐᤠ᤺ᤸᤗᤥ ᤔᤧᤶᤒᤣ᤺ᤰᤁᤣ ᤘᤠ᤹ᤀᤠᤖᤥ॥ ᤁᤖ ᤐᤣᤃᤧ᤹ᤀᤠᤱ ᤀᤠᤴᤛᤠ᤹ᤛᤡ ᤀᤰᤂᤣ ᤔᤧᤳᤋᤧᤛᤧ᤹ᤀᤥ. ‘ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠ ᤏᤢ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ ᤜᤧᤰᤁᤩᤠᤱ ᤀᤡᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱ ᤏᤢ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤥ ᤏᤢ᤺ᤱᤅᤠ ᤐᤣ᤺ᤰᤁᤠᤖ ᤐᤳᤋᤠᤖᤥ॥’”

¹⁸ᤔᤖᤡᤕᤔ ᤔᤃ᤻ᤍᤗᤡᤏᤡ᤺ᤴ ᤐᤣᤀᤠᤱ ᤜᤢ᤹ᤛᤠᤶᤒᤠᤜᤠ᤹. “ᤀᤡᤱᤃᤠ᤹ ᤍᤠᤱᤒᤠᤴ ᤏᤡ᤺ᤛᤢᤱᤅᤠᤱ ᤘᤠ᤹ᤖᤥ” ᤔᤧᤳᤋᤢᤛᤡᤀᤠᤱ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤂᤧᤱᤜᤠ᤹ ᤆᤧᤰᤋᤢᤛᤡᤖᤥ॥

¹⁹ᤒᤠ ᤂᤧᤴ ᤋᤧᤏᤧᤒᤠᤸᤗᤧ ᤕᤢ᤺ᤴᤇᤡᤰ ᤜᤢ᤹ᤛᤠᤶᤒᤠᤜᤠ᤹ᤖᤧ ᤕᤜᤢᤍᤡᤜᤠ᤹ ᤔᤧᤃᤡᤖᤢᤛᤡᤀᤠᤱ ᤜᤡᤶᤛᤡᤃᤠᤱ ᤔᤧᤛᤢᤶᤛᤡᤱ. ᤜᤧᤰᤁᤩᤠᤱ ᤗᤠᤶᤎᤣ᤺ᤵᤐᤧᤴ ᤔᤧᤀᤧᤳᤋᤢᤀᤠᤱ ᤔᤧᤕᤢᤅᤧᤸᤗᤧ ᤕᤧᤛᤢ᤺ᤴ ᤂᤢᤏᤡ᤹ ᤗᤢᤶᤔᤥ ᤌᤠ᤺ᤶᤛᤡᤱᤗ ᤀᤰᤂᤣ ᤔᤧᤳᤋᤢᤛᤡ. “ᤛᤏᤠᤖᤢᤱ ᤁᤧᤄᤥ᤺ᤛᤢᤶᤗᤖᤥ᥄”