8ᤐᤡᤗᤠᤋᤛᤖᤧ ᤂᤧᤴ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤀᤠᤸᤗᤛᤠᤱ ᤛᤠ᤹ᤖᤡᤰ ᤁᤡ᤺ᤛᤧᤖᤥ॥
9ᤂᤢᤏᤧ᤹ ᤕᤠᤶᤔᤥ ᤜᤠᤱᤜᤡᤶ ᤛᤡᤃᤠᤱ ᤗᤠ᤺ᤛᤧᤀᤠᤱ ᤕᤧᤛᤢ᤺ᤴ ᤛᤣ᤺ᤴᤍᤥᤛᤢ. “ᤂᤧᤏᤧ᤹ ᤀᤠᤳᤋᤥᤗᤠᤶ ᤁᤧᤍᤩᤧᤒᤠᤒᤣ᥅” ᤁᤖ ᤕᤧᤛᤢᤖᤧ ᤌᤣᤀᤠᤱ ᤏᤥᤃᤵ ᤔᤧᤒᤡᤖᤢᤴᤗᤥ॥
10ᤐᤡᤗᤠᤋᤛᤖᤧ ᤕᤧᤛᤢ᤺ᤴ ᤔᤧᤳᤋᤢ. “ᤀᤡᤱᤃᤠ᤹ᤏᤢ ᤌᤣᤀᤠᤱ ᤁᤧᤶᤒᤠ᤺ᤳᤏᤧᤶᤒᤠ᥅ ᤂᤧᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤛᤶᤍᤠᤱ ᤑᤥ᤺ᤶᤔᤠ ᤏᤢ ᤗᤧᤵᤔᤠᤍᤣ᤺ᤔᤠ ᤕᤢᤰ ᤁᤳᤋᤢᤱᤒᤠᤴ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤴᤒᤡ᥅”
11ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ ᤁᤧᤶᤒᤡᤖᤧᤴᤏᤡᤸᤗᤧᤃ ᤀᤡᤱᤃᤠ᤹ ᤛᤶᤍᤠᤱ ᤕᤢᤰ ᤁᤧᤱᤃᤳᤋᤢᤴᤒᤠᤖᤥ॥ ᤁᤖ ᤀᤡᤱᤃᤠ᤹ ᤂᤧᤏᤧ᤹ᤀᤥ ᤕᤠᤵᤔᤡ ᤜᤢᤰ ᤁᤧᤛᤢᤵᤐᤠᤸᤗᤧ ᤁᤴᤏᤢ᤺ᤸᤗᤧᤀᤠᤱ ᤕᤶᤒᤠ ᤗᤠᤕᤥᤖᤧᤴ ᤀᤠᤵᤋᤡᤰ ᤂᤥ᤺ᤛᤢ᤹ᤖᤥ॥”