ፂሞቴዎሴም 2 4

1

2

3

4

¹ፆኦሲ ሃሣ ሼምፖና ዓኣ ዓሶና ሃይቄ ዓሶና ዑፃ ዎጋኒ፥ ካኣቲ ማዒያ ዎይሣኒ ሙኪ ጴዻንዳ ዬሱስ ኪሪስቶሴ ማርካ ማሂ ታ ኔና ሺኢቃኔ፤

²ፆኦሲ ቃኣሎ'' ኬኤዜ፤ ጊኢጌቴያ ጊኢጊባኣቴያ ዶዲ ማዼ፤ ዓሶም ኬኤዚ ኬኤዚ ሃሣ ጎሪ'' ጎሪ''፥ ዞሪ ዞሪ፥ ጊቢ'' ዳንዳዒሢና ዬያጉዲ ቃኣሎ'' ዔርዚሢናኣ ዶዴ።

³ዓይጎሮ ጌዔቴ ዓሳ ፆኦሲ ቃኣሎ'' ዋይዚ ዔካኒ ኮዑዋ ዎዴ ሙካንዳሢሮኬ፤ ጋዓንቴ ዓሳ ዔያቶ ናሻ'' ሓይሴ፥ ሃሣ ዔያታ ዋይዛኒ ኮዓ ሃይሶ ኬኤዛንዳ ፔኤኮ ዔርዛ ዓሲ ቡኩሳንዳኔ።

⁴ዔያታ ጎኔ ባኣዚ'' ዋይዚፆ ዒፂ፥ ጉሪ ሃይሴ ዋይዚሢ ናሽካንዳኔ።

⁵ኔኤኒ ጋዓንቴ ቢያ ባኣዚ'' ዔሪ ካፒንቲ ናንጌ፤ ኔ ጊዳ'' ሙካ ሜቶዋ ጊቢ'' ዳንዳዔ፤ ሃሣ ኮዦ ሃይሶ ኬኤዚፆ ማዾ''ዋ ዶዲ ማዼ፤ ፆኦሲም ኔ ማዻ ዓሲ ማዔ ጎይፆና ኔ ማዻኒ ኮይሳ ባኮ ቢያ ማዺ ኩንሤ።

⁶ታኣኒ ጋዓንቴ ፆኦሲም ዒንጎ ባኣዚ'' ማዒ ዒንጊንታኒ ዑኬኔ፤ ሃያ ዓጮ''ይዳፓ ዱማዺ ታ ዓኣዻንዳ ዎዳ'' ሄሌ''ኔ፤

⁷ፆኦሲ ጉሙርቂፆ ዛሎ''ና ዓኣ ዖሎ ሚርጌና ታ ዖልቴኔ፤ ጳዦዋ ጋፒንፆ ሄላ''ንዳኣና ታ ጳሽኬኔ፤ ሃሣ ፆኦሲ ጉሙርቂፆ ካኣዦዋ ታ ካፔኔ።

⁸ዓካሪ ፂሎ'' ማዒ ናንጌሢሮ ዒንጊንታ ካኣቶ''ኮ ቶኦካ'' ዓጎሢጉዴ ቦንቾ ባካ ታኣም ጊኢጊንቲ ታና ካፓንዳኔ፤ ዬያ ባኮ፡ ፒዜ ዎጋያ ማዔ ጎዳሢ ዬኖ ኬሎ''ና ታኣም ዒንጋንዳኔ፤ ዬይ ታኣም ሌሊቱዋንቴ ዒዛኮ ሙኪ ጴዺፆ ጶቂሢ ካፓዞንሢም ቢያ ዒንጊንታንዳኔ።

⁹ኔ ታ ኮይላ'' ዑኬ ሙኬቴ ቃራኬ፤

¹⁰ዴማሴ ሃያ ዓጮ'' ናንጎ ናሽኪ፥ ታና ሃሺ''፥ ቴስሎንቄ ዓኣዼኔ። ታ ኮይላ''ፓ ቄርቂሴ ጋላቲያ፤ ሃሣ ቲቶ ዲልማፂያ ዓኣዼኔ።

¹¹ታ ኮይላ'' ሃሢ ዓኣሢ ሉቃሴ ሌሊኬ። ማርቆሴ ማዾ''ም ታኣም ኮይሳያታሢሮ ኔኤና ዎላ'' ዒዛ ዔኪ ሙኬ።

¹²ቲኪቆሴ፡ ዔፕሶኔ ታ ዳኬኔ።

¹³ኔኤኒ ሙካዖ ፂሮዓዳይዳ ካርፑሴ ጎዖሢ ኮይላ'' ታ ሃሺ'' ዓኣዼ ታኣኮ ዼኤፖ ኮኦቶና ማሪንቴ ማፃኣፖዋ ባሼ ቢራኖ ማፃኣፖ ዋሉ''ዋዖ ዔኪ ሙኬ።

¹⁴ዒስኪንዲሮሴ ጎዖ ጊታሢ ፑርታ ማዾ ታኣም ማዼኔ፤ ጎዳ ዒ ማዼ ማዾ''ጉዴያ ዒዛም ዒንጋንዳኔ።

¹⁵ዒዚ ኑ ኬኤዛ ኮዦ ሃይሶ ዒፂ፥ ማኬሢሮ ኔኤኒ ዒዛ ዔሪ ካፒንቴ።

¹⁶ታና ዎጌና ዓርቂሴ ባኮሮ ቤርታሲ ጌኤዞ ማሂፆ ኬኤዛኒ ታ ሺኢኬ ዎዶ''ና ቢያሢ ታ ጊዳ''ፓ ዱማዼያፓዓቴም ዖኦኒያ ታኣና ዎላ'' ማዒ ታና ማኣዴ'' ዓሲ ባኣሴ። ዬያ ፆኦሲ ዔያቶኮ ዻቢንቲ ማሂ ዓርቆፓ።

¹⁷ጋዓንቴ ኮዦ ሓይሳ ታ ዛሎ''ና ጉቤ ኬኤዚንታንዳጉዲና ዓይሁዴ ማዒባኣ ዓሳ ዋይዛንዳጉዲ ጎዳ ታኣና ዎላ'' ማዒ ታና ዶዲሼኔ፤ ሃሣ ዞቦ'' ዻንጋፓኣ ታና ዻቂሼኔ።

¹⁸ጎዳ ዓይጎዋ ማዖም ፑርታ ባኣዚ''ዳፓ ቢያ ታና ዻቂሻንዳኔ፤ ጫሪንጫ ዓኣ ዒዛኮ ካኣቱሞይዳኣ ታና ዒ ጌልዛንዳኔ፤ ዒዛም ናንጊና ቦንቾ ማዖንጎ፤ ዓኣሜን።

¹⁹ጲሪስቂላና ዓቂላናም፤ ሃሣ ዖኔስፖሬ ማኣሮ ዓሶም «ኮሺዳ?» ጌዔኔ፥ ጌዔ።

²⁰ዔራስፆሴ ቆሮንቶሴይዳ ዓቴ''ኔ፤ ፂሮፒሞሴ ሓርጊንቴሢሮ ሚሊፂዳ ታ ዒዛ ሃሼ''ኔ።

²¹ባርጎ ዎዳ'' ሄሉ''ዋንቴ ታ ኮይላ'' ኔ ሙኬቴ ቃራኬ። ዔውቡሉሴ፥ ጱዴሴ፥ ሊኖሴ፥ ቂላውዲያና ሃሣ ኪሪስቶሴ ጉሙርቃ ዓሳ ቢያ «ኮሺዳ?» ኔና ጋዓኔ።

²²ጎዳ ኔኤና ዎላ'' ማዖንጎ፤ ፆኦሲኮ ኮሹሞ ዒንጊፃ ኔኤም ማዖንጎ።