ፂሞቴዎሴም 1 5

1

2

3

4

5

6

¹ጋርቼ ዓቲንቆ ዓዶ ማሂ ዛጊ ዞዞራንዳኣፓዓቴም ጎሪ''ፖ፤ ዼጌ ዓቲንቆ ናኣቶ'' ኔኤኮ ጌርሲንሢ ማሂ፥

²ሃሣ ጋርቾ ላኣሎ ኔኤኮ ዒንዶንሢ ማሂ ዛጌ፤ ዬያጉዲ ዼጌ ዉዱሮ ናኣቶ'' ኔኤኮ ጌሮንሢ ማሂ ጌኤሺ ዒናና ዛጌ።

³ጎኔና ዜኤሮይንዶ ማዒ፥ ሜታዼ ላኣሎ ዛጊ ማኣዴ''።

⁴ዜኤሪንዶኮ ናይ፤ ሃሣ ናኣዚ'' ናይ ዓኣቶ ዬንሢ ናኣቶ''ንሢ ፔ ማኣሮ ዓሶ ማኣዳ''ያ ሃሣ ዔያቶ ሾዔ ዓሶና ዓሆ፥ ማዖ ማዔ ዓሶም ኮሺ ማዺ ማሃኒ ኮይሳያ ማዔሢ ዔሮንጎ፤ ዓይጎሮ ጌዔቴ ዬይ ፆኦሲ ዎዛሳያ ማዔሢሮኬ።

⁵ጎኔና ዜኤሪንዶ ማዒ፥ ፔኤሮ ናንጋዛ ፔኤኮ ሃጊ ማዓንዳ ዎዞ'' ፆኦዛሢዳ ጌሢ፥ ዋንቴና ሮኦሪና ፆኦሲ ማኣዶ ኮዒ፥ ዒዛ ሺኢጲሢና ዶዲ ናንጋኔ።

⁶ሓያ ዓጮ'' ዎዞ'' ሌሊ ናሽካ፥ ዜኤሮይንዶ ማዔ ላኣላ ጋዓንቴ ዔቂ ዓኣዖ ሓይቄያኬ።

⁷ዔኤቢ ዾንኪሳ ባኣዚ'' ባኣያ ማዒ ናንጋንዳጉዲ ዔያቶ ዞሬ።

⁸ፔ ዒጊኖም ባሼና ፔኤኮ ዑኬ ማኣሮ ዓሶ ማኣዱዋኣሢ፦ ፆኦሲ ጉሙርቂፆ ካኣዦ ሃሼ''ያኬ፤ ፔቶ'' ኪሪስቶሴ ጉሙርቁዋ ዓሶፓ ባሼ ፑርታ ዓሲኬ።

⁹ሌዓ ላሂታሚ'' ሌዔኮ ዴማ'' ማዔ ዜኤሪንዶ ማዔ ላኣሎ ፃኣፒ ዓርቆ ቤዛ ዓርቂፖ፤ ሓሣ ሱ'ንፃ ዓርቂንታ ዓሳ ፔቴ'' ዓሲም ሎዔ ላኣሊ ማዓንዳያ ኮይሳኔ።

¹⁰ሓሣ ናይ ቃራሲ ዲቻያ፥ ሾኦቺ ዔካያ፥ ፆኦሲም ዱማዼ ዓሶኮ ቶኪ ማስካያ፥ ሜታዼ ዓሶ ማኣዳ''ያና ዓይጎዋ ኮሺ ማዾ ቢያ ማዺሢና ዔርቴያ ማዓኒ ኮይሳኔ።

¹¹ጋርቺባኣ፥ ዶዲ ማዔ፥ ዜኤሮይንዳሢ ጋዓንቴ ፃኣፒ ዓርቂፖ፤ ዓይጎሮ ጌዔቴ ዔያቶ ዓሽኮ ሱኡካ ባሼም፥ ኪሪስቶሴ ዔያታ ናሽካ ናሹማ ዻኬ''ም ሎዓኒ ዔያታ ኮዓንዳያታሢሮኬ።

¹²ዬያይዲ፦ ቤርታ ዔያታ ኪሪስቶሴና ጫኣቄ ጫኣቁሞ ሃሻ''ንዳሢሮ ፑርታና ዎጊንታንዳኔ።

¹³ሓሣ ዔያታ ማዾ ሃሺ'' ዓሲ ማኣሪ ሃንቲሢ ዓርቃንዳኔ፤ ማዾ ሃሺ'' ሃንታ ዓሲ ሌሊ ማዒባኣዖ፦ ዓሲ ዾንካያ፥ ዓሲ ባኣዚ''ዳ ጌላያ፤ ሃሣ ጌስታኒ ኮይሱዋ ባኣዚ'' ጌስታያ ማዓንዳኔ።

¹⁴ዬያሮ ጋርቺባኣ ዜኤሪንዶ ማዔ ዶዶ ላኣላ፦ ሎዓንዳጉዲ፥ ናይ ሾዓንዳጉዲ፥ ማኣሮዋ ፔኤኮ ኮይሳ ጎይሢና ዎይሣያ ማዓንዳጉዲ ታ ዞራኔ፤ ያዺዴቴ፦ ሞርካሢ ኑና ጫሽኮንዶ ባኣዚ'' ባይዛንዳኔ።

¹⁵ጎኔና ሃያኮ ቤርታ ፃላሄ ጊንፆ ሃንታኒ ፔቴ'' ፔቴ'' ዜኤሪንዶ ማዔ ላኣላ ፆኦሲ ጉሙርቂፆ ጎይፃፓ ዻቢንቲ ኬስኬኔ።

¹⁶ፔቴ'' ኪሪስቶሴ ጉሙርቃያ ማዔ፥ ላኣሊኮ ማርካ ዜኤሪንዶ ማዔ ላኣሊ ዓኣቶ፦ ዔያታ ሺኢጲፆ ማኣሮኮ ሜቶ ማዑዋጉዲ ዒዛ ዔያቶ ማኣዶ''ንጎ፤ ዬያይዲፆና ሺኢጲፆ ማኣራ ፔቴ''ታዖ ማኣዳ'' ዓሲባኣ፥ ዜኤሮይንዶ ሌሊ ማኣዳ''ኒ ዳንዳዓንዳኔ።

¹⁷ሺኢጲፆ ማኣሮ ዓሶ ቃራሲ ዎይሣያ፤ ባሼ ኮዦ ሃይሶ ኬኤዚሢና ዔርዚሢና ላባ'' ጪሞም ዒንጎ ባኣዚ'' ጳንጬ ማሂ ዒንጋኒ ኮይሳኔ፤

¹⁸ዓይጎሮ ጌዔቴ ጌኤዦ ማፃኣፓ፦ «ሃኣኮ ሺርካ ጌሜኮ ዻንጎ ቱኪ''ፖ» ዬያጉዲ ሃሣ፦ «ማዻሢም ማዾ'' ዛሎ'' ዒንጊንታንዳያ ኮይሳኔ» ጋዓኔ።

¹⁹ላምዖ ሃሣ ሃይሦ ዓሲ ማርካዺባኣንቴ ሺኢጲፆ ማኣሮ ጪሞ ዑፃ «ዻቤኔ» ጎዖ ባኮ ዋይዚፖ።

²⁰ሜሌ'' ዓሳ ዒጊጪ ካፒንታንዳጉዲ ጎሞ ማዻ ዓሶ፡ ዓሶ ቢያኮ ቤርታ ጎሬ።

²¹ኔኤኒ ማዻ ማዾ''ና ቢያ፡ ፔቴ''ያ ባጋሢዳፓ ባሺሱዋዖ ሃሣ ዖናኣ ዱማሱዋዖ ሃያ ታኣኮ ዞሮ'' ቢያ ኔ ኩንሣንዳጉዲ ፆኦሲና ዬሱስ ኪሪስቶሴና ሃሣ ዶኦሪንቴ ኪኢታንቾና ማርካ ማሂ ታ ኔኤም ኬኤዛኔ።

²²ዖጊዳኣ ኔ ኩጮ ጌሥሢና ዶኦራኒ ሩኡሪፖ፤ ሜሌ'' ዓሶና ዎላ'' ጎሜ ማዺሢሮ ፔቴ'' ማዒፖ፤ ኔ ቶኦኮ'' ጌኤሺ'' ካፔ።

²³ኔኤኮ ጎጶ ዶርዓሢና ቢያ ዎዴ ኔና ሃርጋ ሃርጎ ዛሎ'' ዎይናፓ ኮሾ''ና ዑዦ ዻካ'' ዑሽኬ፤ ዋኣሢ ሌሊ ዑሽኪፖ።

²⁴ፔቴ'' ፔቴ'' ዓሶኮ ጎማ ዔርቴያ ማዒ፥ ጋፒንፆ ዎጎ ኬላ'' ሄሉ''ዋንቴ ቤርታዺ ዔያቶ ዓርቃኔ፤ ዛሎ'' ዓሶ ጎማ ጋዓንቴ ጊንፃዺ ዓርቃኔ።

²⁵ዬያጉዲ ኮሺ ማዾ ፔጋኣኬ፤ ፔጋ ማዒባኣዖ ዓቴ''ያ ያዺ ዓኣሺንቲ ዓታ''ዓኬ።