42 ዔያታ ዒዛ፦ «ሓይ ዮሴፔ ናዓሢ፥ ዬሱሴቱዋዓዳ? ዓዶና ዒንዶና ዒዛኮ ኑ ዔራዞንሢቱዋዓዳ? ሂዳዖ ሃሢ ዒዚ ‹ጫሪንካፓ ታ ኬዴ''ኔ› ዎይቲ ጋዓይ?» ጌዔኔ።
43 ዬሱሴ ዔያቶም ማሃዖ ታ ዛሎ'' ዎላ'' ጉንዱሚፖቴ፤
44 ታና ዳኬ፥ ዓዴ ዔኪ ሙኪባኣ ዓሲ ማዔቴ ታ ባንሢ ሙካኒ ዳንዳዓ ዓሲ ዖኦኒያ ባኣሴ፤ ሃንጋ ታ ባንሢ ሙካሢያ ጋፒንፆ ኬሎ''ና ናንጊና ናንጊ ዴንቃንዳጉዲ ሃይቢዳፓ ታ ዔቂሳንዳኔ።
45 ፆኦሲ ማሊፆ ኬኤዛ ዓሶ ማፃኣፖይዳ፦ «ዓሳ ቢያ ፆኦሲዳፓ ዔሬያ ማዓንዳኔ» ጌይንቲ ፃኣፒንቴኔ፤ ዬያሮ ዓዶይዳፓ ዋይዚ ዔሬሢ ቢያ ሃንጋ ታ ባንሢ ሙካንዳኔ።
46 ዬይ ያዺ ማዓዛ ዓዶ ዛጌ ዓሲ ዓኣኔ ጌይሢቱዋሴ። ዓዶ ዛጌሢ ፆኦሲ ኮራፓ ሙኬሢ ሌሊኬ።
47 ጎኔ ታ ዒንሢም ጋዓኔ፤ ታና ጉሙርቂ ዔካሢኮ ናንጊና ናንጊ ዓኣኔ።
48 ታኣኒ ሼምፖኮ ካሣኬ፤
49 ዒንሢኮ ዓዶንሢ ዓሲ ናንጉዋ ዳውሎ''ይዳ ማና'' ጌይንታ ካፆ ሙዔኔ፤ ጋዓንቴ ዔያታ ሃይቄኔ፤
50 ጫሪንጮይዳፓ ኬዴ'' ካሣ ሓያታሢሮ፥ ሓያ ካሦ ሙዓሢ ፔቴ''ታዖ ሃይቃዓኬ።
51 ጫሪንጫፓ ኬዴ''፥ ናንጊና ባይቁዋ ካሣ ታናኬ፤ ሃኖ' ካሦይዳፓ ሙዓሢ ቢያ ናንጊና ናንጋንዳኔ፤ ዓጮ''ም ሼምፖ ማዓንዳጉዲ ታኣኒ ዒንጋ ካሣ ታናኬ ጌዔኔ።
52 ዬማና ዓይሁዶ ዓሳ፦ «ሓይ ዓሢ ዒዛ ኑ ሙዓንዳጉዲ ዎዲ'' ኑም ፔና ዒንጋኒ ዳንዳዓይ?» ጌይሢና ዎላ'' ማርሜኔ።
53 ዬያሮ ዬሱሴ ዔያቶም፦ «ጎኔ ታ ዒንሢም ጋዓኔ፤ ዓሲ ናዓሢ ዒንሢ ሙዒባኣቴ ሃሣ ሱጉፆዋ ዒንሢ ዒዛኮ ዑሽኪባኣቶ ዒንሢኮ ናንጊ ሼምፓ ባኣሴ።
