ዮሃኒሳ 19:29-34

²⁹ሄ ቤሳን ኢሲ ፁጋ ኩሜꬃ ጫላ ዎይኔይ ዴዔስ። ኤንቲ ኢስፖንጄ ሄ ዎይኒያን ዬጊዲ፥ ሂሶጴ ሚꬃ ፄራን ዎꬂዲ፥ ዬሱሳ ዶናኮ ሺሺዶሶና።

³⁰ዬሱሲ ዎይኒያ ጋንፂ ቤዒዲ፥ «ፖሌቲስ» ያጊስ። ሄሳፌ ጉዬ፥ ባ ሁዒያ ዚቂ ኦꬂዲ ባ ሼምፑዋ ኢሚስ።

³¹ሄ ጋላሳይ ጊጌቴꬃ ጋላስ ጊዲያ ጊሾኔ ዎንቴꬃ ጋላሳይ ቦንቾ ሳምባታ ጊዲያ ጊሾ ኣሳታ ኣሃይ ማስቃሊያ ቦላ ሳምባታ ጋላስ ፔዖና ሜላ ኤንታ ቶሁዋ ሜንꬂዲ፥ ማስቃሊያፔ ዎꬊሳና ሜላ ኣይሁዴቲ ጲላፆሳ ዎሲዶሶና።

³²ሄሳ ጊሾ፥ ዎታዳሬቲ ቢዲ፥ ዬሱሳራ ካቄቲዳ ናምዑ ኣሳታ ቶሁዋ ሜንꬂዶሶና።

³³ሺን ዬሱሳኮ ዪዳ ዎዴ ኢ ሃይቂዳይሳ ቤዒዲ፥ ኢያ ቶሁዋ ሜንꬂቦኮና።

³⁴ሺን ዎታዳሬታፔ ኢሶይ ኢያ ሚያ ቶራን ጫዲን ሶሁዋራ ሱꬂኔ ሃꬂ ጎጊስ።