ዬሱሲ ኪቴዳዋንቱ ኦሱዋ 18:23-27

²³ያኒ ኣማሬዳ ዎዲያ ጋሚዒዴ ቤዳ፤ ካሊያዋንታ ኡባ ሚኒሲዴ፥ ጋላቲያናኔ ፒርጊያና ኣꬌዳ።

²⁴ኢስኪንዲሪያን ዬሌቴዳ ኣዪሁዳ ኣሳ ኢቲ ኣጲሎሳ ጊያ ሎዖ ሃሳዪያዌ ኤፌሶኔ ቤዳ፤ ፆሳ ማፃፋቱዋ ኢ ዳሪሲ ኤሪያ ኣሳ።

²⁵ጎዳ ኦጊያካ ታማሬዳ ኣሳ፤ ዮሃኒሳ ፂንቃታ ፃላላ ኤሪዴ፥ ኣያናን ባሬ ጋርሳን ኤፄቲዴ፥ ዬሱሳባ ሱሪሲዴ ሃሳዬዳኔ ታማርሴዳ።

²⁶ያቲዴ ኣዪሁዳ ዎሳ ጎሊያን ያዬናን ሃሳያ ዶሜዳ። ጲሪስቂላይኔ ኣቂላይ ኢ ኦዲያዋ ሲሴዳ ዎዴ፥ ባሬንቱና ሶይ ኣ ኣፊዴ፥ ፆሳ ኦጊያ ካሴፔ ሱሪሲዴ፥ ኣው ጌሺ ኦዴዲኖ።

²⁷ኣጲሎሲ ኣካዪያ ፒናና ኮዪና፥ ኢሻቱ ኣ ሚኒሲዴ፥ ኣካዪያን ዴዒያ ካሊያዋንቱ ኣ ሞካና ማላ፥ ኡንቱንቶ ዳቢዳቢያ ፃፌዲኖ፤ ኢ ያ ጋኪዴ፥ ፆሳ ኣꬎ ኬካቴꬃን ኣማኒያዋንታ ዳሮ ማዴዳ።