ዬሱሲ ኪቴዳዋንቱ ኦሱዋ 15:19-23

¹⁹«ሄዋ ዲራው፥ ታ ቆፋ ጊዶፔ፥ ኣዪሁዳ ጊዴናዋንቱፔ ፆሳኮ ሲሚያዋንታ ኑኒ ሜቶꬃናው ኮሼና።

²⁰ሺን ኡንቱንቱ ኤቃኒ ቱኔዳዋ ሜና ማላ፥ ዎሹሜና ማላ፥ ባኩቴዳ ሜሂያ ኣሹዋ ሜና ማላኔ ሱꬃ ኡሼና ማላ፥ ኡንቱንቶ ኑኒ ዳቢዳቢያ ፃፋናው ኮሼ።

²¹ኣዪሲ ጎፔ፥ ሙሴ ሂጊያ ካሴ ዬሌታፔ ዶሚዴ ሳምባታን ሳምባታን ኣዪሁዳ ዎሳ ጎሌቱዋን ናባቢዴ፥ ኣ ቃላ ካታማ ኡባን ኦዲያዋንቱ ዴዒኖ» ያጌዳ።

²²ሄዋፔ ጉዪያን፥ ዬሱሲ ኪቴዳዋንቱኔ ጪማቱ ዎሳ ጎሌ ኣሳ ኡባና ኢቲፔ ባሬንቱ ጊዶፔ ኣማሬዳ ኣሳቱዋ ዶሪዴ፥ ጳዉሎሳናኔ ባሪናባሳና ኣንፆኪያ ዬዳናው ቆፋ ቃቼዲኖ፤ ኡንቱንቱ ዳሮ ቦንቼቴዳ ላዑ ኣሳቱዋ ባርሳባ ጌቴቲያ ዪሁዳኔ ሲላሳ ዶሬዲኖ።

²³ያቲዴ ሃዋዳን ጊያ ዳቢዳቢያ ፃፊዴ፥ ኡንቱንቱ ቦላ ኪቴዲኖ፤ «ኑኒ ዬሱሲ ኪቴዳዋንቱኔ ጪማቱ ሂንቴ ኢሻቱ፥ ኣንፆኪያን፥ ሶሪያኒኔ ኪልቂያን ዴዒያ ኣዪሁዳ ባጋ ጊዴና ኢሻቱዋሲ ኑ ሳሮታ ኪቴቶ።