ዬሱሲ ኪቴዳዋንቱ ኦሱዋ 14:15-21

¹⁵ባሬንቱ ኮሻ ꬎቁ ኦꬂዴ፥ ሃዋዳን ያጌዲኖ፤ «ኣሳው፥ ሃዋ ኣዪሲ ኦꬂቴ? ኑኒካ ሂንቴንቱዋዳን ሜꬌቴዳ ኣሳ፤ ሃ ፓꬄና ዬዉዋፔ ሳሉዋኔ ሳዓ፥ ኣባኔ ኡንቱንቱ ጊዶን ዴዒያ ኡባባ ሜꬌዳ ዴዑዋ ፆሳኮ ሂንቴ ሲማና ማላ፥ ሂንቴንቶ ኑኒ ዎንጋላ ሚሺራቹዋ ኦዴቶ።

¹⁶ኢ ቤኒ ኣሳ ዜሬꬃይ ኡባይ ባሬንቱ ኦጊያ ባና ማላ ዬዲ ኣጌዳ።

¹⁷ሂንቴንቶ ኢራ ሳሉዋፔ ቡኪሴዳ፤ ካꬃካ ኢ ዎዲያን ኢሜዳ፤ ቃሲ ቁማ ኢሚዴ፥ ሂንቴንታ ሎይꬂ ናሼቼ፤ ያቲዴ ሂንቴንቶ ሎዖባ ኦꬂዴ፥ ኡባ ዎዴካ ባሬው ማርካ ꬋዪቤና» ያጌዲኖ።

¹⁸ዬሱሲ ኪቴዳዋንቱ ሄዋ ጊዴ፥ ባሬንቶ ኣሳይ ያርሼና ማላ፥ ሜቶቲዴ ዲጌዲኖ።

¹⁹ኣንፆኪያፔኔ ኢቆኒዮኔፔ ዬዳ ኣዪሁዳቱ ኣሳ ባሬንቱ ባጋ ዛሪዴ፥ ሹቻን ጳዉሎሳ ጫዴዲኖ፤ ኡንቱንቶ ሃይቄዳዋ ማላቲና፥ ካታማፔ ካሬው ኣ ጎቺ ኬሴዲኖ።

²⁰ሺን ካሊያዋንቱ ኣ ማታን ዩዪ ኣꬊዴ ኤቂሺን፥ ኢ ዴንዲዴ፥ ካታማ ጌሌዳ። ዎንቴꬃ ጋላሲ ባሪናባሳና ኢቲፔ ዴርቤ ቤዳ።

²¹ኡንቱንቱ ዴሪቤ ካታማን ዎንጋላ ሚሺራቹዋ ኦዲዴ፥ ጮራ ኣሳይ ዬሱሳ ኣማናና ማላ ኦꬄዳዋፔ ጉዪያን፥ ሊስፂራ፥ ኢቆኒዮኔኔ ጲሲዲያን ዴዒያ ኣንፆኪያ ሲሜዲኖ፤ ያቲዴ ሄዋን ካሊያዋንታ ሚኒሲዴኔ ኡንቱንቱ ኣማኑዋን ሚኒ ዴዓና ማላ ዞሪዴ፥ «ኑኒ ፆሳ ካዉቴꬃ ጌላናው ሎይꬂ ዋዬታና ቤሴ» ያጌዲኖ።