ዬሱሲ ኪቴዳዋንቱ ኦሱዋ 13:22-31

²²ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንꬄዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦꬂያ ኢሴይ ናዓ ዳዊታ ዴማዲ› ያጌዳ።

²³«ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ።

²⁴ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ።

²⁵ቃሲ ዮሃኒሲ ባሬ ኦሱዋ ዉርሳና ሃኒዴ ኣሳ፥ ‹ታና ኦና ጊዴ ቆፒቴ? ታኒ ሂንቴ ናጊያዋ ጊዲኬ፤ ሺን ቤዒቴ፥ ኣ ጌዲያ ጫማ ቃሹዋካ ጌዲያፔ ቢላናው ታው ቤሴናዌ ታፔ ጉዬና ዬ› ያጌዳ።

²⁶«ታናዳን ኣማኒያዋንቶ፥ ኣብራሃሜ ዜሬꬃቶ፥ ቃሲ ሃዋን ኣዪሁዳ ጊዴናዋንቶ ፆሳሲ ያዪያዋንቶ፥ ሃ ኣቶቴꬃ ቃላይ ኑሲ ኪቴቴዳ።

²⁷ኣዪሲ ጎፔ፥ ዬሩሳላሜን ዴዒያ ኣሳይኔ ኡንቱንቱ ካፓቱ ዬሱሳኔ ሳምባታ ጋላሳ ኡባን ናባቤቲያ ናባቱዋ ቃላ ኣኬኪቤና ዲራው፥ ኣ ቦላ ፒርዲዴ፥ ናባቱዋ ቃላ ፖሌዲኖ።

²⁸ዬሱሳ ዎꬊሳናው ኢቲ ጋሱካ ኡንቱንቶ ቤቴናን ኢፂና፥ ጲላፆሲ ኣ ዎꬋና ማላ ዎሴዲኖ።

²⁹«ኡንቱንቱ ዬሱሳባይ ፆሳ ማፃፋን ፃፌቴዳዋ ኡባ ፖሌዳ ዎዴ፥ ማስቃሊያፔ ኣ ዎꬂዴ ሞጌዲኖ።

³⁰ሺን ፆሳይ ሃይቁዋፔ ዬሱሳ ዴንꬄዳ።

³¹ሄዋፔ ጉዪያን ኢ ባሬናና ጋሊላፔ ዬሩሳላሜ ዬዳ ኣሳቶ ጮራ ጋላሳ ቤቴዳ ኡንቱንቱ ሃዒ ኣባ ኣሳሲ ማርካቲኖ።