17ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማꬃቴꬃን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ።
18ባዙዋን ኦይታሙ ላይꬃ ኬና ኑ ኣዋቱዋ ኢ ዳንዳዬዳ።
19ካናኔ ጊያ ጋዲያን ኣዪሁዳ ጊዴና ላፑ ካዉቴꬃ ꬋዪሲዴ፥ ኡንቱንቱ ጋዲያ ባሬ ኣሳ ላቲሴዳ።
20ሄዋፔ ጉዪያን፥ ናቢያ ሳሜላ ዎዲያ ጋካናሲ፥ ኦይዱ ፄታኔ ኢሻታሙ ላይꬃ ኬና ዳናቱዋ ኡንቱንቶ ኢሜዳ።
21ሄዋፔ ጉዪያን፥ ኡንቱንቱ ባሬንቶ ካቲያ ኢማና ማላ ዎሲና፥ ፆሳይ ቢኒያማ ዛሪያፔ ቂሳ ናዓ ሳዖላ ኦይታሙ ላይꬃው ካዉታና ማላ፥ ኡንቱንቶ ኢሜዳ።
22ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንꬄዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦꬂያ ኢሴይ ናዓ ዳዊታ ዴማዲ› ያጌዳ።
23«ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ።
24ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ።