ዬሱሲ ኪቴዳዋንቱ ኦሱዋ 13:12-17

¹²ሄ ዎዴ ጋዲያ ሞዲያዌ ሄዋ ቤዔዳ ዎዴ፥ ጎዳይ ታማሪሲያዋን ማላሌቲዴ ኣማኔዳ።

¹³ጳዉሎሲኔ ኣናና ዴዒያዋንቱ ጳፉፔ ዴንዲዴ፥ ጲኒፊሊያን ዴዒያ ጴርጌ ዎንጊሪያን ቤዲኖ፤ ዮሃኒሲ ኡንቱንቱፔ ሻኬቲ፥ ዬሩሳላሜ ሲሜዳ።

¹⁴ሺን ኡንቱንቱ ጴርጌፔ ኣꬊዴ፥ ጲሲዲያን ዴዒያ ኣንፆኪያ ጋኬዲኖ፤ ሳምባታ ጋላሳን ኣዪሁዳ ዎሳ ጎሌ ጌሊዴ ኡቴዲኖ።

¹⁵ሙሴ ሂጊኔ ናባቱዋ ማፃፋይ ናባቤቴዳዋፔ ጉዪያን፥ ኣዪሁዳ ዎሳ ጎሌ ካፓቱ፥ «ኑ ኢሻቶ ኣሳ ሚኒሲያ ቃላይ ሂንቴንቶ ዴዖፔ፥ ኣሳው ሃሳዬሪኪቴ» ያጊዴ ኡንቱንቶ ኪቴዲኖ።

¹⁶ጳዉሎሲ ዴንዲ ኤቂዴ፥ ባሬ ኩሺያን ፆርሲዴ፥ ሃዋዳን ያጌዳ፤ «ኢስራዔሊያ ኣሳቶ፥ ፆሳሲ ያዪያዋንቶ ሲሲቴ።

¹⁷ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማꬃቴꬃን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ።