ዬሱሲ ኪቴዳዋንቱ ኦሱዋ 11:9-19

⁹«ቃላይ ሳሉዋፔ ላዔꬁዋካ፥ ‹ፆሳይ ጌሼዳዋ ኔኒ ቱና ጎፓ› ያጊዴ ታው ዛሬዳ።

¹⁰«ሄዌ ሄዙ ጌዴ ሃኒና፥ ዉርሴꬃን ኡባባይ ሳሉዋ ፑዴ ጎሼቴዳ።

¹¹ሄ ማንዒያንካ ሄዙ ኣሳቱ ቂሳሪያፔ ታኮ ኪቴቲዴ፥ ታኒ ዴዒያ ጎሊያ ጋኪ ኣጌዲኖ።

¹²ታኒካ ሲꬌናኒ ኡንቱንቱና ባና ማላ፥ ጌሻ ኣያናይ ታው ኦዴዳ። ቃሲ ሃ ኡሱፑን ኢሻቱ ዮጴፔ ታናና ቂሳሪያ ቢና፥ ኑኒ ቆርኔሊዮሳ ሶይ ጌሌዶ።

¹³ኪታንቻይ ባሬ ሶዪን ኤቂዴ ባሬና፥ ‹ጴፂሮሳ ጌቴቲያ ሲሞና ፄሳናው ኣሳ ዮጴ ኪታ፤ ኔኒኔ ኔ ጎሌ ኣሳይ ኡባይ ኣቲያ ቃላ ኢ ኔው ኦዳናዋ› ጌዳዋ ቆርኔሊዮሲ ዎቲ ሲሴዴንቶ፥ ኑሲ ኦዴዳ።

¹⁵«ታኒ ሃሳያናው ዶሚያዋን ጌሻ ኣያናይ ኮይሮ ኑ ቦላ ዎꬌዳዋዳን፥ ኡንቱንቱ ቦላካ ዎꬊ ኣጌዳ።

¹⁶ጎዳይ፥ ‹ዮሃኒሲ ሃꬃን ፃማቄዳ፤ ሺን ሂንቴንቱ ጌሻ ኣያናን ፃማቄታኒታ› ያጌዳ ቃላ ታኒ ሃሳያዲ።

¹⁷ፆሳይ ኑሲ ጎዳ ዬሱሲ ኪሪስቶሳ ኣማኔዳዋንቱሲ ኢሜዳ ኢሞታ ማላ ኣዪሁዳ ጊዴናዋንቶካ ቃሲ ኢሞፔ፥ ሲሚ ፆሳ ዲጋናው ታኒ ኦኔ?» ያጌዳ።

¹⁸ኡንቱንቱ ሃዋ ሲሴዳ ዎዴ ባሬንቱ ፓሉማ ኣጊዴ፥ «ያቲና፥ ፆሳይ ኣዪሁዳ ጊዴናዋንቱካ ቃሲ ናጋራፔ ሲሚዴ ዴዓናዳን፥ ኡንቱንታ ቃዴዳ» ያጊዴ ፆሳ ጋላቴዲኖ።

¹⁹ኢስፂፋኖሳ ቦላ ጋኬዳ ዋዪያ ጌዱዋን ላሌቴዳ ኣማኒያዋንቱ ቃላ ኣዪሁዳቱዋ ፃላላፔ ኣቲን፥ ሃራሲ ኢቱዋሲኔ ኦዴናን፥ ፒንቄ፥ ቆጲሮሳኔ ኣንፆኪያ ጋካናው ዩዬዲኖ።