ዬሱሲ ኪቴዳዋንቱ ኦሱዋ 10:24-32

²⁴ዎንቴꬃ ጋላሲ፥ ቂሳሪያ ጋኬዲኖ፤ ቆርኔሊዮሲ ባሬ ዳባቱዋኔ ባሬ ላጌꬃቱዋ ኢቲፔ ፄሲ ሺሺዴ፥ ጴፂሮሳ ናጌ።

²⁵ጴፂሮሲ ጌላና ሃኒሺን፥ ቆርኔሊዮሲ ኣናና ጋኬቲዴ፥ ኣ ሲንꬃን ኩንዲዴ፥ ኣው ጎዪኔዳ።

²⁶ሺን ጴፂሮሲ፥ «ዴንዳ! ታኒካ ታ ሁጴው ኣሳ» ያጊዴ ኣ ዴንꬄዳ።

²⁷ጴፂሮሲ ቆርኔሊዮሳና ሃሳዪዴ፥ ሶይ ጌሌዳ፤ ኢ ጌሊያ ዎዴ ጮራ ኣሳይ ሺቄዳዋ ዴሚዴ፥

²⁸ኣሳ፥ «ኣዪሁዳ ኣሳይ ሃራ ዛሪያና ኢቲፔቴꬃን ዴዓናው፥ ዎይ ጋኬታናው ዎጋ ጊዴናዋ ሂንቴ ሁጴው ኤሪታ፤ ሺን ታኒ ኦናኔ ቱና ዎይ ሼኔዪያባ ጌና ማላ፥ ፆሳይ ታና ቤሴዳ።

²⁹ሄዋ ዲራው፥ ሂንቴ ታው ኪቲና፥ ፓሉማይ ባይናን ያዲ። ሃዒ፥ ‹ታና ኣዪሲ ኣሂሴዲቴ?› ያጋዴ ሂንቴንታ ኦቻይ» ያጌዳ።

³⁰ቆርኔሊዮሲ ሃዋዳን ያጌዳ፤ «ታኒ ሃቼ ኦይዱ ጋላሳፔ ካሴ ሃ ሳቲያን ኡዱፑ ሳቲያ ዎሳ ታ ሶዪን ፆሳ ዎሲሺን፥ ጶልቂያ ማዩዋ ማዬዳ ኣሳይ ታ ሲንꬃን ኤቂዴ፥

³¹ታና፥ ‹ቆርኔሊዮሳ፥ ፆሳይ ኔ ዎሳ ሲሴዳ፤ ኔኒ ሂዬሳ ማዲያዋካ ሃሳዬዳ።

³²ሲሚ ኣሳ ዮጴ ኪታዴ፥ ሲሞኒ ጴፂሮሳ ጊያዋ ፄሲሳ፤ ሲሞኒ ጴፂሮሲ ሲሞና ጊያ ጋልባ ቃጪያዋ ጎሌን ኣባ ዶናን ኢማꬃቴꬃ ኡቴዳ› ያጌዳ።