ሮሜ 2:8-15

⁸ሺን ባንታና ሲቄይሳታ፥ ቱማ ኢፄይሳታኔ ኢታባ ኦꬃናው ኮዬይሳታ ቦላ ፆሳ ሃንቆይኔ ፒርዳይ ያና።

⁹ኢታባ ኦꬂያ ኣሳ ኡባ፥ ኮይሮቲዲ ኣይሁዴታ፥ ካሊዲ ኣይሁዴ ጊዶና ኣሳ ሜቶይኔ ዋዬይ ጋካና።

¹⁰ሺን ፆሳይ ሎዖ ኦሶ ኦꬂያ ኡባስ፥ ኮይሮቲዲ ኣይሁዴታስ፥ ካሊዲ ኣይሁዴ ጊዶናይሳታስ ጋላታ፥ ቦንቾኔ ሳሮቴꬃ ኢማና።

¹¹ፆሳይ ሶምዖ ቤዒዲ ኣሴ ሻኬና።

¹²ሂጌይ ባይና ናጋራ ኦꬂዳ ኡባይ ሂጌይ ባይና ꬋያና። ሂጌይ ዴዒሺን፥ ናጋራ ኦꬂዳ ኡባይ ሂጌን ፒርዴታና።

¹³ፆሳ ሲንꬃን ፂሌይሳቲ ሂጌ ናጌይሳታፔ ኣቲን ሂጌ ሲሳ ፃላላ ሲዔይሳታ ጊዶኮና።

¹⁴ሂጌይ ባይና ኣይሁዴ ጊዶና ኣሳይ ሜꬎን ሂጌይ ኪቴይሳ ኦꬆሶና። ኤንታው ፃፌቲዳ ሂጌይ ባይና ኢፂኮካ ኤንቲ ባንታ ዎዛናን ሂጊያ ኤሮሶና።

¹⁵ኤንታ ሃኖታይ፥ ሂጌ ኪታይ ኤንታ ዎዛናን ፃፌቲዳይሳ ቤሴስ። ቃሲ ኤንታ ካሃይ ኤንታ ቦላ ማርካቴስ። ኤንታ ቆፋይ ኢሲ ኢሲ ቶሆ ኤንታና ባላ ጌስ፤ ኢሲ ኢሲ ቶሆ ኤንታና ሊኬ ጌስ።