16 ዓካሪ፤ ታኣኒ ማዻሢ ታ ኮዑዋ ባኣዚ'' ማዔቴ ዎጌ ኮሺ ማዔሢ ታ ማርካዻኔ።
17 ታ ማዻኒ ኮይሱዋ ባኮ ማዻሢ ታ ጊዶይዳ ዓኣ ጎሞ ማዓንዳኣፓዓቴም ታናቱዋሴ።
18 ታ ጊዶይዳ ሓሣ ታኣኮ ጎሞ ማሊፆይዳ ዓይጌያ ኮሺ ባኣዚ'' ባኣሢ ታ ዔራኔ፤ ዓይጎሮ ጌዔቴ ዓይጎ ኮሺ ባኣዚ'' ታ ማዻኒ ማላቶዋ ዬኖ ኮዦ ማዼ''ሎ ታ ማዻኒ ዳንዳዑዋኣሢሮኬ።
19 ማዻኒ ታኣም ኮይሳ ኮዦ ማዾ'' ታ ማዹዋሴ፤ ጋዓንቴ ታ ኮዑዋ ፑርታ ማዾ ታ ማዻኔ።
20 ዓካሪ ማዻኒ ታኣም ኮይሱዋ ፑርቶ ማዾ'' ማዻያ ታ ማዔቴ ዬያ ማዻሢ ታ ጊዶይዳ ዓኣ ጎሞ ማዓንዳኣፓዓቴም ታናቱዋሴ ጌይሢኬ።
21 ዬያሮ ፔቴ'' ዎጌ ማዺ ማዺ ዓኣሢ ታ ዛጋኔ፤ ዎይቲ ጌዔቴ ታ ኮሺ ባኣዚ'' ማዻኒ ኮዓ ዎዶ''ና ፑርታ ባኣዚ'' ሌሊ ማዺንታኔ።
22 ታኣኮ ጋሮ ዒና'' ጋዓንቴ ፆኦሲ ዎጎና ዎዛዻኔ።
23 ማዔቴያ ታኣኮ ማሊፆ ዎጎና ዎላ'' ካኣሞ ዒፂ፥ ታኣኮ ዱማ ዱማ ዑፆይዳ ማዻ ጎሞ ዎጎና ዲዒንቴያ ታና ማሃ ሜሌ'' ዎጌ ታ ጋራ ዓኣሢ ታ ዛጋኔ።
24 ዬያሮ ታ ዎዚጉዴ ላኣፓ ዓሲዳይ! ሓያ ታና ሓይቢም ዔኪ ዴንዳ ዓሽኮይዳፓ ዖ ታና ዓውሳንዳይ?
