ሮሚያ 6:10-21 in Dawro

¹⁰ ኢ ኢቲ ካላካ ሃይቄዳ፤ ናጋራው ኣ ቦላ ዎልቃይ ባዋ፤ ሺን ኢ ሃ ዴዒያ ዴዑዋ ፆሳው ዴዔ።

¹¹ ሃዋዳን ቃሲ ሂንቴ ናጋራ ኦꬄናዳን፥ ሂንቴንታ ሃይቄዳዋዳን ቆፒቴ፤ ሺን ጎዳ ኪሪስቶሳ ዬሱሳ ባጋና ፆሳው ሂንቴ ፓፃ ዴዒያዋዳን፥ ሂንቴንታ ቆፒቴ።

¹² ሄዋ ዲራው፥ ሂንቴ ሂንቴንቱ ኣሳቴꬃ ኣሙዋሲ ኣዛዜታና ማላ፥ ናጋራይ ሃይቂያ ሂንቴ ኣሳቴꬃ ሞዶፖ።

¹³ ቃሲ ሂንቴ ኣሳቴꬃፔ ኢቲ ሳኔ ኢታ ኦሱዋ ኦꬃናው ናጋራው ኢሞፒቴ፤ ሺን ሃይቁዋፔ ዴንዴዳ ኣሳዳን ሂንቴንታ ፆሳው ኢሚቴ፤ ቃሲ ሂንቴ ኩሜንꬃ ኣሳቴꬃካ ፂሎ ኦሱዋ ኦꬃናው ፆሳው ኢሚቴ፤

¹⁴ ኣዪሲ ጎፔ፥ ናጋራይ ሂንቴንታ ሞዳናው ዳንዳዬና፤ ሂንቴ ፆሳ ኣꬎ ኬካቴꬃ ጋርሳና ዴዒታፔ ኣቲን፥ ሂጊያፔ ጋርሳና ዴዒኪታ።

¹⁵ ያቲና፥ ዋናኔ? ፆሳ ኣꬎ ኬካቴꬃ ጋርሳና ዴዒኖፔ ኣቲን፥ ሂጊያፔ ጋርሳና ዴዔና ዲራው፥ ናጋራ ኦꬃኔ? ጊዴና፤

¹⁶ ሂንቴ ሂንቴንታ ኢቲ ኡራው ኣዛዜታናው፥ ኣይሊያዳን ኦꬂዴ ኢሚያ ዎዴ፥ ሄ ሂንቴንታ ኣዛዚያዎ ኣይሌቱዋ ጊዲያዋ ኤሪታ፤ ዎይ ሂንቴ ሂንቴንቶ ሃይቁዋ ኣሂያ ናጋራው ኤኖ ጊታ፤ ዎይ ሂንቴ ሂንቴንታ ፂሎ ኦꬂያ ኣዛዞ ኤኖ ጊታ።

¹⁷ ሺን ፆሳው ጋላታይ ጊዶ፤ ኣዪሲ ጎፔ፥ ናጋራው ካሴ ሂንቴ ኣይሌ፤ ሺን ጉዬፔ ሂንቴ ኣኬዳ ቲሚርቲያ ጊዶን ዴዒያ ቱማቴꬃው ሂንቴ ኩሜንꬃ ዎዛናፔ ኣዛዜቴዲታ።

¹⁸ ሂንቴንቱ ናጋራ ኣይሌቴꬃፔ ኬሲዴ፥ ፂሎቴꬃው ኣይሌ ጊዴዲታ።

¹⁹ ሂንቴንቱ ሜꬌታን ዳቡራንቻ ጊዲያ ዲራው፥ ታኒ ኦሲካ ጌሊያ ሃሳያ ሃሳያይ፤ ሂንቴ ካሴ ሂንቴ ኩሜንꬃ ኣሳቴꬃ ናቁዋ ኦꬃናው፥ ቱናቴꬃዉኔ ናቆ ኣይሌ ኡዲዴ ኢሜዲታ፤ ሃዒ ሄዋዳንካ ሂንቴ ኩሜንꬃ ኣሳቴꬃ ጌሻባ ኦꬃናው፥ ፂሎቴꬃው ኣይሌ ኡዲዴ ኢሚቴ።

²⁰ ሂንቴንቱ ናጋራው ኣይሌቲዴ ዴዒያ ዎዴ፥ ፂሎቴꬃይ ሂንቴንቶ ጎዳ ጊዴና።

²¹ ሂንቴንታ ሃዒ ዬላዪያ ዬዋቱዋ ሄ ዎዴ ኦꬄዳዋፔ ኣይ ማዱዋ ዴሜዲቴ? ኣዪሲ ጎፔ፥ ሄ ዬዋቱዋ ዉርሴꬃይ ሃይቁዋ።

¹⁰ I itti kaallakka hayqqeedda; nagaraw A bolla wolqqay baawa; shin I ha de7iyaa de7uwaa Xoossaw de7ee.

¹¹ Hawaadan qassi hintte nagaraa oothennaadan, hinttentta hayqqeeddawaadan qoppite; shin Godaa Kiristtoosa Yesuusa bagganna Xoossaw hintte paxa de7iyaawaadan, hinttentta qoppite.

¹² Hewaa diraw, hintte hinttenttu asatethaa amuwaassi azazettana mala, nagaray hayqqiyaa hintte asatethaa mooddoppo.

¹³ Qassi hintte asatethaappe itti saanne iita oosuwaa oothanaw nagaraw immoppite; shin hayquwaappe denddeedda asaadan hinttentta Xoossaw immite; qassi hintte kumentha asatethaakka xillo oosuwaa oothanaw Xoossaw immite;

¹⁴ ayissi gooppe, nagaray hinttentta mooddanaw danddayenna; hintte Xoossaa aadho keekatethaa garssanna de7iitappe attin, higgiyaappe garssanna de7ikkita.

¹⁵ Yaatina, waananee? Xoossaa aadho keekatethaa garssanna de7iinoppe attin, higgiyaappe garssanna de7enna diraw, nagaraa oothaanee? Gidenna;

¹⁶ hintte hinttentta itti uraw azazettanaw, aylliyaadan oothiide immiyaa wode, he hinttentta azaziyaawoo aylletuwaa gidiyaawaa eriita; woy hintte hinttenttoo hayquwaa ahiyaa nagaraw eeno giita; woy hintte hinttentta xillo oothiyaa azazoo eeno giita.

¹⁷ Shin Xoossaw galatay gido; ayissi gooppe, nagaraw kase hintte aylle; shin guyyeppe hintte akkeedda timirttiyaa giddon de7iyaa tumatethaw hintte kumentha wozanaappe azazetteeddita.

¹⁸ Hinttenttu nagaraa aylletethaappe kesiide, xillotethaw aylle gideeddita.

¹⁹ Hinttenttu medhetaan daaburanchcha gidiyaa diraw, taani oossikka geliyaa haasayaa haasayay; hintte kase hintte kumentha asatethaa naaquwaa oothanaw, tunatethawunne naaqoo aylle udiide immeeddita; ha77i hewaadankka hintte kumentha asatethaa geeshshabaa oothanaw, xillotethaw aylle udiide immite.

²⁰ Hinttenttu nagaraw aylletiide de7iyaa wode, xillotethay hinttenttoo godaa gidenna.

²¹ Hinttentta ha77i yeellayiyaa yewatuwaa he wode ootheeddawaappe ay maaduwaa demmeedditee? Ayissi gooppe, he yewatuwaa wurssethay hayquwaa.