ማቲዎሴ 20:1-11

¹ዬካፓ ዬሱሴ፦ «ጫሪንጮ ካኣቱማ ፔኤኮ ዎይኖ ጎዦ ጎሽኪሳኒ ጎሽካ ዓሶ ኮዒ ጉቴ'' ዓሚ'' ኬስኬ ዓሲ ማላኔ፤

²ዒዚ ፔቴ'' ፔቴ'' ዓሶም ፔቴ'' ፔኤሺኮ ፔቴ'' ኬሊ'' ማዻዛ ዒንጎ ሚኢሾ ጪጋኒ ዓሶና ጌስቲ ጊኢጊ ጎዦ ቤዞ ዓሶ ዳኬኔ» ጌዔኔ።

³ዬሱሴ ኬኤዛዖ፦ «ዬይ ዓሢ ጉቴ'' ሶኦፓ ዎዴኮ ቤርታ ቦኦኮ'' ቤዞ ኬስኪ ማዾ ባይቄም ዔቂ ዓኣ ዓሲ ዴንቂ፥

⁴‹ዒንሢ ታኣኮ ዎይኖ ጎዦይዳ ዴንዲ ማዹዋቴ፤ ታ ዒንሢም ኮይሳሢጉዲ ጪጋንዳኔ› ጋዓዛ፥

⁵ዔያታ ዓኣዼኔ። ሃሣ ዓባ'' ሳዛ ሄላ''ኣና ጊንሣ ማሢ ዶምቦልሳ ዎዴ ማዓኣና ኬስኪ ሜሌ'' ማዻንዳ ዓሲ ዴንቄኔ።

⁶ዬካፓ ዓባ'' ዒባናኣና ኬስኪ ማዾ ባይቄም ዔቂ ዓኣ ሜሌ'' ዓሲ ዴንቃዖ፥ ‹ማዾ ባኣያ ሃይካ ዒንሢ ዓይጋ ዔቂ ፔኤቃይ?› ጌዒ ዖኦጫዛ፥

⁷ዔያታ ማሃዖ ‹ኑና ማዺሻኒ ጋዓ ዓሲ ባይቄሢሮኬ› ጌዔኔ፤ ዓሢ ዬያ ዋይዛዖ ‹ዒንሢያ ዓኣዺ ታኣኮ ዎይኖ ጎዦይዳ ማዹዋቴ› ጌዔኔ።

⁸«ዬካፓ ሳዓ ዓማዛ ጎዦ ዓዳሢ ማዻ ዓሶኮ ሱኡጋሢም ‹ጋፒንፃ ሙኬዞንሢዳፓ ዓርቃዖ ቤርታ ሙኬ ዓሶ ሄላ''ንዳኣና ማዾ'' ዓሶ ቢያ ዔኤሊ'' ዔያታ ማዼሢ ዛሎ'' ዔያቶም ጪጌ› ጌዔኔ።

⁹ዒማ''ና ዓባ'' ዒባናኣና ማዻኒ ሙኬ ዓሶንሢ ሚኢሾ ጪጋሢ ኮይላ''ፓ ፔቴ'' ኬሊ'' ማዼም ዒንጎ ሚኢሾ ዔኬኔ።

¹⁰ቤርታ ማዾ'' ዓርቄዞንሢ ዒማ''ና ባሼ ኑም ጪጎንዶኔ ጌዒ ማሌኔ፤ ጋዓንቴ ዔያቶማኣ ፔቴ'' ኬሊ'' ማዼም ዒንጎ ሚኢሻ ዒንጊንቴኔ።

¹¹ጪጎና ሚኢሾ ዔያታ ዔካዖ ጉንዱሚሢና ጎዦ ዓዶ ኮራ፦