ሉቃሳ 9:51-61 - ኦራꬃ ጫቆ ማፃፋ ጋሞꬆ

⁵¹ዬሱሲ ሳሎ ቢዛ ዎዴይ ማቲዳ ጊሽ ዬሩሳላሜ ባናስ ዴንዲዴስ።

⁵²ኢዚካ ሲንꬃꬂዲ ኣሴ ኪቲዴስ። ኢስቲካ ኮሺዛ ሚሽ ጊጊሳናፔ ካሴቲዲ ሳማሪያ ቢታን ዲዛ ኢሲ ጉታ ቢዳ።

⁵³ጊዶ ኣቲን ዴሬይ ኢዚ ዬሩሳላሜ ቢዛይሳ ኤሪዳ ጊሽ ሞኪ ኤኪቤቴና።

⁵⁴ኢዛ ካሊዛይታፔ ያቆቤይኔ ዮሃኒሲ ሃኒዛይሳ ቤዪዲ “ጎዶ! ኤላሲ ኦꬆይሳꬆ ‘ታማይ ሳሎፔ ዎꬊዲ ኢስታ ዲፕ ሂስቶ!’ ጊዲ ኣዛዛና ማላ ኮያይ?” ጊዳ።

⁵⁵ጊዶ ኣቲን ዬሱሲ ኢስታኮ ዩዪዲ “ኢንቴስ ኣይ ማላ ኣያናይ ዲዛኮኔ ኤሬኬቲ? ኣሳ ናይ ዪዳይ ኣሳ ሼምፖ ኣሻናስ ኣቲን ꬋይሳናስ ጊዴና” ጊዲ ኢስታ ሴሪዴስ።

⁵⁶ኢስቲ ዉሪካ ሃራ ጉታ ቢዳ።

⁵⁷ኢስቲካ ቢርሺን ኢሲ ኣሲ ኢስታኮ ሺቂዲ “ታኒ ኔኒ ቢዛ ኡባሶ ኔና ታ ካላና” ጊዴስ።

⁵⁸ዬሱሲ “ዎርኬናታስ ኣቂዛ ኦላይ፥ ካፎታስ ቃሴ ኣቂዛ ካፎ ኬꬂ ዴስ፤ ጊዶ ኣቲን ኣሳ ናስ ባ ሁዔ ኣይሲዛሶይካ ባዋ” ጊዴስ።

⁵⁹ዬሱሲካ ሂንኮይሳ “ታና ካላ” ጊዴስ። ሄ ኣዴዚካ “ጎዶ! ታ ካሴታ ባዳ ታ ኣዋ ሞጎ?” ጊዴስ።

⁶⁰ዬሱሲካ “ኣጋጋ፥ ሃይቂዳይቲ ሃይቂዳይታ ሞጌቶ። ኔኒ ጊዲኮ ባዳ ፆሳ ካዎቴꬃ ኣሳስ ዮታ” ጊዴስ።

⁶¹ቃሴካ ሃራ ኣሲ “ጎዶ! ታ ኔና ካላና ሺን ኮይሮ ሶ ባዳ ታ ኬꬃ ኣሳ ሳሮ ጋዳ ዮዖ?” ጊዴስ።