ሉቃሳ 20:19-24

¹⁹ፃፌቲኔ ቄሴታ ሃላቃቲ ሄሲ ሌሚሶዚ ኢስታ ቦላ ሃሳዬቲዳይሳ ኤሪዲ ሄራካ ኢዛ ኦይካናስ ኮይዳ ሺን ዴሬዛስ ባቢዳ።

²⁰ዬሱሳ ዎልቃራ ሃሪዛይታስ ኣꬂ ኢማናስ ኢዛ ዱናፔ ኬዚዛ ባላ ቃላ ዴሚዲ ኦይካናስ ካሊ ካሊ ናጊዳኔ ፂሎ ኣሳ ሚሳቲዲ ኢዛ ካሊ ኢዛ ዱናፔ ዮዖ ናጊዛ ኣሳታ ኢዛኮ ዬዲዳ።

²¹ኢዛ ዱናፔ ዮዖ ኮዪዛ ኣሳቲ ዬሱሳ “ኣስታማሬ! ኔኒ ቱማ ሃሳዪዛይሳኔ ቱማ ታማርሲዛይሳ ቃሴካ ፆሳ ኦጌ ኔ ቱሙ ታማርሲዛይሳኔ ኦናካ ሻካ ማዶንታይሳ ኑ ኤሮስ።

²²ጊዶ ኣቲን ቄሳሬስ ጊራ ጊራናስ ቤሲዜ? ቤሴኔ?” ጊዲ ኦይቺዳ።

²³ኢዚካ ኢስታስ ዲዛ ጌኔ ቆፋ ኤሪዲ፥

²⁴“ኣኔ ኢሲ ዲናሬ ታና ቤሲቴ፥ ሃይሲ ኢዛ ቦላ ዲዛ ሜꬋዚኔ ፃፌቶይሲ ኦናይሴ?” ጊዴስ። ኢስቲካ “ቄሳሬይሳ” ጊዳ።