ሃዋሬታ ኦሶ 10:3-9 - ኦራꬃ ጫቆ ማፃፋ ጋሞꬆ

³ኢሲ ጋላስ ጋላሳፌ ኡዱፉን ሳቴ ቦላ ፆሳ ኪታንቻይ ኢዛስ ኣጁታን ቤቲዲ ኢዛኮ ዪዲ “ቆርኖሎሳ” ጊ ፄይጊሺን ቆንጬን ቤዪዴስ።

⁴ቆርኖሎሲካ ዳጋማራ ቲሺ ሂስቲ ፄሊሼ “ጎዶ ሃይሲ ኣዜ?” ጊዴስ። ኪታንቻይካ ዛሪዲ “ኔ ዎሳይኔ ኔ ሙፁዋታይ ቆፌታናስ ፑዴ ፆሳ ሲንꬅ ጋኪዴስ።

⁵ኔ ሃዒ ኣስ ኢዮጴ ዬዳዳ ጴፅሮሳ ጌቴቲዛ ሲሞና ፄይጊሳ።

⁶ኢዚካ ኣባ ማታን ዲዛ ጋልባ ቃጪዛ ሲሞና ሶን ኢማꬃቴꬅ ዴስ” ጊዴስ።

⁷ቆርኖሎሳ ሃሳይሲዳ ኪታንቻይ ኢዛፔ ሻኬቲዲ ቢዳፔ ጉዬ ባ ኣሽካራታፔ ናምዓታ ቃሴ ኣያና ዮዖስ ሚኖኔ ኢዛስ ዳሮ ኣማኔቲዛ ዎታዳራታፔ ኢሳ ፄይጊሲዲ፥

⁸ኢዚ ቤዪዳይሳ ዉርሲ ኢስታስ ዮቲዲ ኢዮጴ ኪቲዴስ።

⁹ኪቴቲዳ ኣሳቲ ዎንቴꬃ ጋላስ ጌዴ ካታማይኮ ማቲሺን ጴፅሮሲ ኡሱፑን ሳቴ ቦላ ዎሳና ፑዴ ፖቄ ቦላ ኬዚዴስ።